தமிழ் சினிமாவில் ரஜினி, கமலுக்கு பின்னர் அதிக அளவில் ரசிகர்கள் இருப்பது விஜய், அஜித்திற்கு தான். இவர்களின் படங்கள் வெளியானால் அன்றையதினம் திரையரங்குகள் திருவிழா போல காட்சியளிக்கும். அந்தளவிற்கு பட்டாசு, பாலாபிஷேகம் என பட வெளியீட்டை தாறுமாறாக கொண்டாடித் தீர்த்து விடுவார்கள்.
என்னதான் அஜித், விஜய் இருவரும் நெருங்கிய நண்பர்கள் என்றாலும், இவர்களது ரசிகர்கள் சமூக வலைத்தளத்தில் சண்டைபோட்டு கொண்டுதான் இருக்கிறார்கள். இவர்களின் சண்டை தீர்க்கமுடியாத பிரச்சனையாக உள்ளது. அஜித்தை கலாய்த்து விஜய் ரசிகர்களும், விஜய்யை கலாய்த்து அஜித் ரசிகர்களும் மீம்களை மாறி மாறி ஷேர் செய்து சண்டையிட்டு வருகிறார்கள்.
ஆனால் சில ரசிகர்கள் அஜித், விஜய் இருவரும் ஒன்றுதான். இருவரும் இணைந்து படம் நடித்தால் நன்றாக இருக்கும். இருவரும் இணைந்து எப்போது படம் நடிப்பார்கள் என காத்துக் கொண்டிருக்கிறார்கள். இருவரும் இணைந்து ராஜாவின் பார்வையிலே படம் மட்டுமே நடித்தனர். அதன் பிறகு இருவரும் எந்த திரைப்படத்திலும் இணைந்து நடிக்கவில்லை.
தற்போது நடிகர் அஜித் வலிமை படத்திலும், விஜய் பீஸ்ட் படத்திலும் நடித்து வருகிறார்கள். இதில், அஜித் நடித்து வரும் வலிமை படத்தில் இடம்பெற்ற நாங்க வேற மாறி பாடல் வெளியாகி ரசிகர்களுக்கு மத்தியில் பலத்த வரவேற்பை பெற்று வருகிறது.
இந்நிலையில், இப்பாடலிலுள்ள அஜித்தின் புகைப்படத்தை எடுத்து ரசிகர்கள் விஜய்யுடன் வைத்து அட்டகாசமாக போஸ்டர் ஒன்றை எடிட் செய்துள்ளனர். தற்போது அந்த போஸ்டர் இணையத்தில் வைரலாகி வருகிறது. இருவரும் படத்தில்தான் இணைந்து நடிக்கவில்லை. போஸ்டரிலாவது ஒன்றாக இருக்கட்டும் என ரசிகர்கள் இந்த போஸ்டரை உருவாக்கியுள்ளனர்.