திருமணத்திலிருந்து விவாகரத்துக்கு - காதலுக்கும் ஈகோகும் நடுவில் சிக்கிய கதை

படம் ஒரு சாதாரண காதல் - திருமண - விவாகரத்து கதையாக ஆரம்பித்தாலும், அதன் சுவை முற்றிலும் வித்தியாசமானது. ரியோ ராஜ் ஒரு ஐடி ஊழியர்; தன்னைவிட முற்போக்காக சிந்திக்கும் மாளவிகா மனோஜை திருமணம் செய்கிறார். ஆரம்பத்தில் எல்லாம் சரியாக நடக்கிறது... ஆனால் சில மாதங்களில் அவர்களுக்குள் “ஈகோ” நுழைகிறது. பிரிவுக்காக கோர்ட் செல்லும் அந்த ஜோடியின் கதையில்தான் படம் பறக்கிறது.

விக்னேஷ்காந்த் மற்றும் ஷீலா இருவரும் வழக்கறிஞர்களாக மோதுவது சிரிப்பும் சிந்தனையும் சேர்த்த கலவையாக மாறுகிறது. காதலர்களுக்கும் தம்பதிகளுக்கும் “இது நம்ம கதையா?” என்று தோன்றும் அளவுக்கு உண்மையாய் எழுதப்பட்டுள்ளது.

காமெடியா இருந்தாலும்... சொல்ல வருவது நம்ம வாழ்க்கையே

படத்தின் பலம் - அதன் நகைச்சுவை! விக்னேஷ்காந்த், ஜென்சன் திவாகர் இருவரும் சேர்ந்து தியேட்டரில் சிரிப்பு வெடிக்க வைக்கிறார்கள். குறிப்பா ஜென்சனின் டயலாக் டைமிங் செம்ம - ஒவ்வொரு வசனத்துக்கும் விசில் பறக்குது. ரியோ ராஜ் தனது கேரக்டரை மிக ஈஸியா கையாள்கிறார்; கோர்ட் சீனில் பேசாமலே கண்களால் நடிப்பது பிரமாதம்.

மாளவிகா மனோஜ் - ‘ஜோ’ படத்திலிருந்து இங்கு ஒரு முழுமையான மாறுபாடு! தன்னம்பிக்கை, அழகு, attitude எல்லாம் சேர்ந்து character-ஐ உயிரோட்டமா காட்டியிருக்கிறார்.

இசை, வசனம், இயக்கம் - மெச்சத்தக்க அளவுக்கு சரியான சமநிலை

சித்துகுமார் பின்னணி இசை படத்துக்கு ஒரு fresh feel கொடுக்குது. பாடல்கள் மிதமானவையாக இருந்தாலும் மனசை தொடும். இயக்குநர் கலையரசன் தங்கவேல், ஸ்கிரிப்டை நிதானமா கட்டியிருக்கிறார் — முதல் 15 நிமிஷம் மெதுவா போனாலும் இடைவேளைக்கு முன் காமெடி சரவெடி தான்.

இரண்டாம் பாதியில் சில சின்ன குறைகள் இருந்தாலும் story flow-ஐ பாதிக்காது. வசன எழுத்தாளர் சிவக்குமார் முருகேசன் சில வசனங்கள் audience-ஐ நேரா தாக்கும் — குறிப்பா போலி பெண்ணியம் பேசும் சிலருக்கு படம் செம்ம கண்ணாடி காட்டும்.

 ஆண்-பெண் சமநிலை பேசும் புத்திசாலி படம்

“ஆண்களின் குரலும் கேட்கப்படணும்”னு சொல்லி படம் ஒரு பக்கம் மட்டும் bias இல்லாமல் இருபக்கத்தையும் நியாயப்படுத்துகிறது. climax அருகே வரும் கோர்ட் சீனில் விக்னேஷ்காந்த் பேசும் வசனங்கள் பார்வையாளர்களை யோசிக்க வைக்கின்றன - இது தான் இந்த படத்தின் வெற்றி.

முடிவில் - தம்பதிகள் கண்டிப்பா பார்க்க வேண்டிய படம்!

“ஆண் பாவம் பொல்லாதது” ஒரு full-on entertainer ஆனாலும் அதன் message deep-ஆ இருக்கு. சில இடங்களில் slow pace இருந்தாலும், உண்மை பேசும் திறன் அதைக் கவர் செய்கிறது. தம்பதிகள், காதலர்கள் - யார் பார்த்தாலும் தங்களையே இதில் காண முடியும். நகைச்சுவையோட யதார்த்தம் கலந்த ஒரு meaningful entertainer - கலையரசன் தங்கவேல், ரியோ ராஜ், மாளவிகா, விக்னேஷ்காந்த் அனைவருக்கும் ஒரு standing ovation தரத்தக்க படம் இது.