மிஸ் பண்ணக் கூடாது! டிசம்பரில் திரையரங்குகளை அதிரவைக்கும் 7 பெரிய படங்கள்

டிசம்பர் மாதம் எப்போதும் திரையரங்குகளுக்கு ஒரு சிறப்பு! ஆண்டு முடிவதற்குள் அதிகப்படியான படங்கள் ரிலீஸ் ஆகும் என்பதால், இது ரசிகர்களுக்கு ஒரு திரைப்படப் பண்டிகை மாதமாகவே மாறிவிடுகிறது. இந்த வருடமும் அதே காட்சி மீண்டும் உருவாகியுள்ளது. தமிழ் சினிமாவின் முன்னணி நடிகர்கள் நடிக்கும் பல எதிர்பார்ப்பு மிகுந்த படங்கள் டிசம்பர் 5 முதல் 25 வரை தொடர்ச்சியாக வெளியாக உள்ளன.

டிசம்பரின் முதல் முக்கிய படமாக லாக்டவுன் வெளியாகிறது. அனுபமா பரமேஸ்வரன் இந்த படத்தில் நடிப்பது ரசிகர்களிடையே ஏற்கனவே நல்ல வரவேற்பைப் பெற்றுள்ளது. இந்த படம் நேரடியாக லாக்டவுன் காலத்தில் சாதாரண மக்களுக்குள் நடந்த உண்மையான சம்பவங்களை மையப்படுத்தி உருவாக்கப்பட்டுள்ளது. உணர்ச்சி, சமூக நெருக்கடிகள், த்ரில்லர் எலிமெண்ட்ஸ் ஆகியவை கலந்த இந்த படம் டிசம்பர் 5 அன்று திரையரங்குகளில் வெளியாகிறது.

டிசம்பர் 12-ஆம் தேதி ஒரே நாளில், இரண்டு முக்கியமான படங்கள் வெளியாகின்றன. ஒன்று, கார்த்தியின் வா வாத்தியார் மற்றொன்று, விமலின் மகாசேனா. கார்த்தி என்றால் ரசிகர்களுக்கு ஆக்‌ஷன், சென்டிமென்ட், கலகலப்பு என அனைத்தும் நிறைந்த ஒரு விருந்துதான் நினைவுக்கு வரும். இந்தப் படம் சற்று மாறுபட்ட ஜானரில் இருப்பதாகத் தகவல்கள் தெரிவிக்கின்றன.

நலன் குமாரசாமி இயக்கிய 'சூது கவ்வும்', 'காதலும் கடந்து போகும்' போன்ற படங்கள் ரசிகர்களிடையே பெரும் வரவேற்பைப் பெற்றவை. அவர் முதன்முறையாக கார்த்தியுடன் இணைந்திருப்பது, படத்தின் மீதான எதிர்பார்ப்பைக் கூட்டியுள்ளது. இந்தப் படம் வழக்கமான கார்த்தி படங்களின் பாணியில் இருந்து விலகி, ஒரு புதுமையான நகைச்சுவை-திரில்லர் ஜானரில் இருக்கும் என்று எதிர்பார்க்கப்படுகிறது.

விமல் எப்போதும் கிராமத்துக் கதைகளில் சிறப்பாகப் பொருந்துவார். ஆனால், மகாசேனா அவரை ஒரு புதிய பரிமாணத்தில் காட்டும் என்று படக்குழு தெரிவித்துள்ளது. இந்தப் படம் 5 மொழிகளில் (தமிழ், கன்னடம், தெலுங்கு, மலையாளம், இந்தி) ஒரே நேரத்தில் வெளியாகிறது. ஒரு தமிழ்த் திரைப்படம் இத்தனை மொழிகளில் ஒரே நாளில் வெளியாவது, படக்குழுவின் நம்பிக்கையைக் காட்டுகிறது. 'மகாசேனா' ஒரு வரலாற்று அல்லது அதிரடி ஆக்‌ஷன் படமாக இருக்கலாம் என்று எதிர்பார்க்கப்படுகிறது.

டிசம்பர் 18-ஆம் தேதி, ஆக்‌ஷன் விரும்பிகளுக்கும், காதல் மற்றும் நகைச்சுவை விரும்புபவர்களுக்கும் ஒரே நாளில் இரண்டு விருந்துகள் காத்திருக்கின்றன. ரெட்ட தல படத்தின் தலைப்பே ஒருவித பரபரப்பை ஏற்படுத்துகிறது. இரட்டை வேடக் கதையாக இருக்குமா அல்லது இரட்டை ஆக்‌ஷன் போர்ஷனாக இருக்குமா என்ற எதிர்பார்ப்பு எழுந்துள்ளது. அருண் விஜய் சமீபகாலமாகத் தேர்ந்தெடுக்கும் கதைக்களங்கள் அனைத்தும் வெற்றி அடைந்து வருகின்றன. அந்த வகையில், இந்தப் படமும் ஒரு பாக்ஸ் ஆபிஸ் ஹிட் ஆகும் என்று ரசிகர்கள் மத்தியில் பேசப்படுகிறது.

லவ் இன்சூரன்ஸ் கம்பெனி பிரதீப் ரங்கநாதன்,எஸ்.ஜே. சூர்யா, க்ருத்தி ஷெட்டி மூவரின் காமெடி லவ் கலக்கு. இந்த படம் ரொமான்ஸ், காமெடி, சமூக கருத்துக்களை இணைத்த ஒரு ஸ்டைலிஷ் படமாக உருவாகியுள்ளது. அவரது படங்களில் தனித்துவமான கதையை தரும் பிரதீப் ரங்கநாதன், எஸ்.ஜே. சூர்யாவின் ஸ்டைலிஷ் அட்டகாசமும், க்ரித்தி ஷெட்டியின் கவர்ச்சி திரைநிகழ்வும் ரசிகர்களை கவரும்.

வருடத்தின் இறுதி நாளும், கிறிஸ்துமஸ் பண்டிகையும் தமிழ் சினிமாவுக்கு எப்போதுமே மறக்க முடியாத நாட்கள்தான். இந்த வருடம், இரண்டு மாறுபட்ட படங்கள் ரிலீஸாகின்றன. சர்வம் மாயா என்ற தலைப்பு, படம் ஒரு அறிவியல் புனைகதை (Science Fiction) அல்லது ஒரு மாயாஜால படமாக இருக்கலாம் என்ற எதிர்பார்ப்பை ஏற்படுத்துகிறது. மேலும், இந்தப் படம் 2025-ஆம் ஆண்டின் கிறிஸ்துமஸ் பண்டிகை தினத்தில் வெளியாவது, விடுமுறை நாட்களில் திரையரங்குகளில் மக்கள் கூட்டத்தைக் கூட்டும்.

விக்ரம் பிரபு எப்போதும் வித்தியாசமான கதைக்களங்களைத் தேர்ந்தெடுப்பதில் கவனம் செலுத்துபவர். 'சிறை' படத்தின் தலைப்பே, அது ஒரு ஆழமான கதையைக் கொண்டிருக்கும் என்பதைக் குறிக்கிறது. அறிமுக இயக்குநர் சுரேஷ் ராஜகுமாரி இப்படத்தை இயக்கியுள்ளார். ஒரு சிறைச்சாலையை மையமாகக் கொண்ட கதையாக இந்தப் படம் இருக்கலாம். விக்ரம் பிரபுவின் அழுத்தமான நடிப்பு இந்தப் படத்துக்குப் பெரிய பலமாக இருக்கும்.