அம்மாவின் பாணியில் தேவயானி மகள் இனியா! அறிமுகப் படம் எது தெரியுமா?

பிரபல முன்னணி நடிகை தேவயானி மற்றும் இயக்குநர் ராஜகுமாரன் ஆகியோரின் மூத்த மகள் இனியா, தற்போது தமிழ் சினிமாவில் அடியெடுத்து வைக்க தயாராகி வருவதாகத் தகவல்கள் கசிந்துள்ளன. ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ள இச்செய்தி, தமிழ் திரையுலகில் ஒரு புதிய வாரிசு நடிகையின் வருகையை உறுதி செய்கிறது.

இனியா கமிட் ஆகியிருப்பதாகக் கூறப்படும் திரைப்படம், தெலுங்கில் வெளியான 'கோர்ட்' (Court) ஆகும். இப்படம் பிரபல நடிகர் சாய் குமார் நடிப்பில், இயக்குநர் ராம் ஜெகதீஷ் இயக்கத்தில் கடந்த மார்ச் மாதம் (2025) தெலுங்கில் வெளியானது.

கோர்ட்' திரைப்படம் வெளியானபோது, ரசிகர்களிடமிருந்தும் விமர்சகர்களிடமிருந்தும் நல்ல வரவேற்பைப் பெற்று, வசூல் ரீதியாகவும் வெற்றி அடைந்தது. இந்தத் தெலுங்குப் படத்தின் தமிழ் வெளியீட்டு உரிமையை, தயாரிப்பாளர் தியாகராஜன் வாங்கியுள்ளார்.

அவர் இப்படத்தை தமிழில் மொழிமாற்றம் செய்து வெளியிடுவாரா அல்லது தமிழ் ரசிகர்களுக்காக சில காட்சிகளை மாற்றியமைத்து மறு வெளியீடு செய்வாரா என்பது குறித்த விவரங்கள் இன்னும் உறுதியாகவில்லை.

தேவயானி கடந்த 90-களில் இருந்து 2000-களின் ஆரம்பம் வரை தமிழ் சினிமாவின் முன்னணி கதாநாயகியாகத் திகழ்ந்தவர். குடும்பப் பாங்கான கதாபாத்திரங்கள் மற்றும் துணிச்சலான நடிப்பால் தனக்கென ஒரு பெரிய ரசிகர் பட்டாளத்தை உருவாக்கினார். இவரது மகள் இனியாவும் அதே பாதையில் அடியெடுத்து வைப்பது ரசிகர்களுக்கு மிகுந்த உற்சாகத்தை அளித்துள்ளது.

இனியா மற்றும் அவரது இளைய சகோதரி பிரியங்கா இருவரும் சினிமா துறைக்குள் வருவார்கள் என்று ஏற்கெனவே எதிர்பார்க்கப்பட்டது குறிப்பிடத்தக்கது. இருப்பினும், 'கோர்ட்' திரைப்படத்தில் இனியா நடிக்கவிருப்பது குறித்த அதிகாரபூர்வ அறிவிப்பு இன்னும் வெளியகவில்லை. தேவயானி மற்றும் ராஜகுமாரன் ரசிகர்கள், இனியாவின் அறிமுகத்தை எதிர்நோக்கிக் காத்திருக்கின்றனர்.