ஒரே மாதத்தில் 3 படங்கள்! கோலிவுட்டை அதிரவைக்கும் கீர்த்தி ஷெட்டியின் ரகசியம்

தென்னிந்திய திரையுலகில் மிகக்குறுகிய காலத்தில் முன்னணி கதாநாயகிகள் வரிசையில் இணைந்தவர் கீர்த்தி ஷெட்டி. தெலுங்குத் திரையுலகில் அறிமுகமாகி, தனது முதல் படத்திலேயே ஒட்டுமொத்த தென்னிந்திய ரசிகர்களின் மனதையும் கொள்ளையடித்தவர். தற்போது தமிழுக்கு நேரடி வரவு தந்துள்ள கீர்த்தி, அடுத்தடுத்து முன்னணி நாயகர்களுடன் ஜோடி சேர்ந்து பரபரப்பை ஏற்படுத்தியுள்ளார்.

சமீபத்தில் ஒரு நேர்காணலில், தனது தொடர்ச்சியான தமிழ் படங்களின் வெளியீடு குறித்து அவர் மனம் திறந்து பேசியுள்ளது சமூக ஊடகங்களில் வைரலாகி வருகிறது. பிரபஞ்சம் தனக்கு செய்த உதவியாக இதனை அவர் பார்க்கிறார்.

கீர்த்தி ஷெட்டி ஏற்கனவே தமிழில் 'கஸ்டடி' போன்ற இருமொழிப் படங்களில் நடித்திருந்தாலும், இப்போது வெளியாகபோகும் படங்கள் நேரடி தமிழ் படங்களாக அதிக எதிர்பார்ப்பை ஏற்படுத்தியுள்ளன. கோலிவுட்டின் டாப் இயக்குநர்கள் மற்றும் நடிகர்களுடன் இவர் கூட்டணி அமைத்திருப்பது, இவரின் மார்க்கெட் தமிழில் எந்தளவு உயர்ந்துள்ளது என்பதைக் காட்டுகிறது.

லவ் இன்சூரன்ஸ் கம்பெனி (LIK) 

இயக்குநர் விக்னேஷ் சிவன் இயக்கத்தில், 'கோமாளி' மற்றும் 'லவ் டுடே' புகழ் பிரதீப் ரங்கநாதனுக்கு ஜோடியாக கீர்த்தி ஷெட்டி நடித்துள்ள திரைப்படம் 'லவ் இன்சூரன்ஸ் கம்பெனி' . இது ஒரு முழுநீள ரொமாண்டிக் காமெடித் திரைப்படமாக உருவாகியுள்ளது. இப்படம் வரும் டிசம்பர் 18-ம் தேதி வெளியாகிறது.

வா வாத்தியார் 

இயக்குநர் நலன் குமாரசாமி இயக்கத்தில், நடிகர் கார்த்திக்கு ஜோடியாக கீர்த்தி நடித்துள்ள படம் 'வா வாத்தியார்'. நலன் குமாரசாமியின் தனித்துவமான கதைக்களத்தில் கார்த்தியுடன் கீர்த்தி இணைந்திருப்பது ரசிகர்களிடையே பெரும் ஆர்வத்தை தூண்டியுள்ளது.  இத்திரைப்படம் வரும் டிசம்பர் 12-ம் தேதி வெளியாக உள்ளது.

ஜீனி

ஜெயம் ரவி நடிப்பில் பிரம்மாண்டமாக உருவாகி வரும் ஃபேண்டஸி திரைப்படம் 'ஜீனி' (Genie). இப்படத்திலும் கீர்த்தி ஷெட்டி முக்கிய கதாபாத்திரத்தில் நடித்துள்ளார். இப்படத்தின் VFX பணிகள் மிகவும் நுணுக்கமாக நடைபெற்று வருகின்றன. ஜீனி திரைப்படமும் டிசம்பர் மாதத்தை குறிவைத்துள்ளதாக சினிமா வட்டாரங்கள் தெரிவிக்கின்றன.

தொடர்ச்சியாக தனது மூன்று நேரடி தமிழ் படங்கள் வெளியாவது குறித்து நேர்காணலில் பேசிய கீர்த்தி ஷெட்டி, இது ஒரு திட்டமிட்ட விஷயம் அல்ல என்று கூறியுள்ளார்.

"எனது முதல் மூன்று நேரடி தமிழ் படங்கள் ஒன்றன் பின் ஒன்றாக வெளிவரும் என்று நான் நினைக்கவே இல்லை. பிரபஞ்சம் அதை சாத்தியமாக்கி இருக்கிறது என்று நினைக்கிறேன்." - கீர்த்தி ஷெட்டி

மேலும், இந்த மூன்று படங்களைப் பற்றியும் அவர் குறிப்பிடுகையில், "மூன்றும் மிகவும் வேறுபட்டவை" என்று கூறினார். அதாவது, 'லவ் இன்சூரன்ஸ் கம்பெனி' ஒரு மாடர்ன் காதல் கதை என்றால், 'வா வாத்தியார்' மற்றும் 'ஜீனி' ஆகியவை முற்றிலும் மாறுபட்ட கதைக்களங்களைக் கொண்டவை என்பதை அவர் உறுதிப்படுத்தியுள்ளார்.