ஒரே ஆண்டில் 6 படங்கள்.. 2026ஐ தனது வசமாக்கும் நயன்தாரா!

2026 ஆம் ஆண்டு இந்தியத் திரையுலகமே வியந்து பார்க்கும் வகையில், லேடி சூப்பர் ஸ்டார் நயன்தாராவின் அதிரடி வேட்டையாக அமையவுள்ளது. தமிழ், தெலுங்கு, மலையாளம் என தென்னிந்திய மொழிகள் மட்டுமின்றி, பான் இந்தியா லெவலில் நயன்தாராவின் மார்க்கெட் எகிறப்போகிறது. ஆக்ஷன், காமெடி, சென்டிமென்ட் என நயன்தாரா பல அவதாரங்களை எடுக்கவிருக்கும் அந்த டாப் 6 படங்களின் பட்டியல்.

1. டாக்ஸிக் (Toxic) 

கன்னட நடிகர் யாஷ் நடிப்பில் உருவாகும் 'டாக்ஸிக்' திரைப்படத்தில் நயன்தாரா ஒரு பவர்ஃபுல் கதாபாத்திரத்தில் நடிக்கிறார். கீது மோகன்தாஸ் இயக்கத்தில் உருவாகும் இந்தப் படம், ஒரு கேங்க்ஸ்டர் பின்னணியைக் கொண்டது. மார்ச் 19 அன்று உகாதி மற்றும் ஈத் பண்டிகையை முன்னிட்டு இப்படம் வெளியாகிறது. இதில் நயன்தாராவின் தோற்றம் மிகவும் மிரட்டலாக இருக்கும் என எதிர்பார்க்கப்படுகிறது.

2. பேட்ரியாட் (Patriot)

மலையாள சினிமாவின் ஜாம்பவான்களான மம்மூட்டி மற்றும் மோகன்லால் ஆகியோருடன் நயன்தாரா இணையும் மெகா பட்ஜெட் படம் 'பேட்ரியாட்'. மகேஷ் நாராயணன் இயக்கத்தில் உருவாகும் இந்த அரசியல் த்ரில்லர் படம், ஏப்ரல் 23 அன்று உலகமெங்கும் வெளியாகிறது. நீண்ட இடைவேளைக்குப் பிறகு நயன்தாரா ஒரு அழுத்தமான மலையாளத் திரைப்படத்தில் தோன்றுவது ரசிகர்களிடையே பெரும் எதிர்பார்ப்பை ஏற்படுத்தியுள்ளது.

3. டியர் ஸ்டூடண்ட்ஸ் (Dear Students) 

நிவின் பாலியுடன் நயன்தாரா மீண்டும் இணையும் படம் 'டியர் ஸ்டூடண்ட்ஸ்'. இது ஒரு ஆக்ஷன் காமெடி த்ரில்லர் வகையைச் சேர்ந்தது. கல்லூரி மாணவர்களின் பின்னணியில் நடக்கும் சுவாரசியமான சம்பவங்களை மையமாகக் கொண்ட இப்படம், மார்ச் அல்லது ஏப்ரல் மாதத்தின் கோடை விடுமுறையைக் குறிவைத்து வெளியாகத் தயாராகி வருகிறது.

4. மண்ணங்கட்டி Since 1960

இயக்குநர் டியூட் விக்கி இயக்கத்தில் நயன்தாரா நடிக்கும் 'மண்ணங்கட்டி Since 1960' ஒரு சமூக விழிப்புணர்வு கலந்த காமெடி டிராமா. இதில் யோகி பாபுவுடன் நயன்தாரா மீண்டும் இணைந்துள்ளார். ஷான் ரோல்டன் இசையமைக்கும் இப்படம், மே மாத இறுதியில் அல்லது ஜூன் தொடக்கத்தில் வெளியாகும் என எதிர்பார்க்கப்படுகிறது. நயன்தாராவின் யதார்த்தமான நடிப்பு இப்படத்தில் தனித்து நிற்கும்.

5. மூக்குத்தி அம்மன் 2

சுந்தர் சி இயக்கத்தில் நயன்தாரா மீண்டும் 'அம்மன்' அவதாரம் எடுக்கும் படம் 'மூக்குத்தி அம்மன் 2'. வேல்ஸ் பிலிம் இண்டர்நேஷனல் தயாரிப்பில் சுமார் 100 கோடி பட்ஜெட்டில் உருவாகும் இந்தப் படம், குழந்தைகளும் ரசிக்கும்படியான பேண்டஸி காமெடியாக இருக்கும். அதிகப்படியான சிஜி (CG) வேலைகள் இருப்பதால், இப்படம் ஜூன் அல்லது ஜூலை மாதத்தில் வெளியாகும்.

6. ஹாய் (Hi) 

நடிகர் கவினுடன் நயன்தாரா முதன்முறையாக ஜோடி சேரும் திரைப்படம் 'ஹாய்'. விஷ்ணு எடவன் இயக்கத்தில் ஒரு க்யூட் ரொமான்டிக் காமெடி படமாக இது உருவாகிறது. நயன்தாரா இதில் ஒரு போலீஸ் அதிகாரியாகவோ அல்லது துப்பறியும் நிபுணராகவோ இருக்கலாம் எனத் தகவல்கள் கசிகின்றன. இப்படம் அக்டோபர் மாதத்தில் ஆயுத பூஜை விடுமுறையை ஒட்டி வெளியாகலாம்.