புதிய படங்களையே ஓரம் கட்டிய! 8 கிளாசிக் ரீ-ரிலீஸ் படங்கள்

தமிழ் திரையுலகில் தற்போது ஒரு புதிய டிரெண்ட் உருவாகியுள்ளது. புதிய படங்கள் வெளியாகும் போது கிடைக்கும் வரவேற்பை விட, பல ஆண்டுகளுக்கு முன்பு வெளியாகி பிளாக்பஸ்டர் ஹிட் அடித்த படங்கள் மீண்டும் திரையரங்குகளில் வெளியாகும் போது ரசிகர்கள் காட்டும் ஆர்வம் வியக்க வைக்கிறது. குறிப்பாக, 2024-2025 காலகட்டத்தில் இந்த மறுவெளியீடு கலாச்சாரம் ஒரு மிகப்பெரிய வணிக சந்தையாகவே மாறியுள்ளது.

தமிழ்நாட்டில் இதுவரை மறுவெளியீடு செய்யப்பட்ட படங்களில் அதிக வசூல் செய்த டாப் திரைப்படங்கள் மற்றும் அவற்றின் பின்னணி குறித்த ஒரு ஆழமான அலசல் இதோ:

1. கில்லி – வசூல் சக்ரவர்த்தி

தளபதி விஜய் நடிப்பில் 2004-ல் வெளியான 'கில்லி' திரைப்படம், சரியாக 20 ஆண்டுகள் கழித்து 2024-ல் மீண்டும் வெளியானது. ஒரு மறுவெளியீடு படம் 25 கோடிக்கு அருகில் வசூல் செய்வது என்பது இந்திய அளவிலேயே மிகப்பெரிய சாதனையாகப் பார்க்கப்படுகிறது. விஜய்யின் எனர்ஜி, தரணி அவர்களின் விறுவிறுப்பான இயக்கம் மற்றும் வித்யாசாகரின் பாடல்கள். குறிப்பாக 'அப்படிப்போடு' பாடல் இன்று வரை இளசுகளின் பேவரைட்.இந்தப் படம் தான் "Re-release" என்பது வெறும் கொண்டாட்டம் மட்டுமல்ல, அது ஒரு பெரிய லாபம் தரும் பிசினஸ் என்பதைக் திரையரங்கு உரிமையாளர்களுக்கு உறுதிப்படுத்தியது.

2. மங்காத்தா – கிங் ஆஃப் ஓப்பனிங்

அஜித்தின் 50-வது படமான 'மங்காத்தா', வெங்கட் பிரபு இயக்கத்தில் உருவான ஒரு கல்ட் கிளாசிக். இதன் மறுவெளியீட்டின் போது சென்னை போன்ற நகரங்களில் நள்ளிரவு காட்சிகள் கூட அரங்கம் நிறைந்த காட்சிகளாக ஓடின. 'விநாயக் மகாதேவ்' என்ற நெகட்டிவ் கதாபாத்திரத்தில் அஜித் காட்டிய அதிரடி மற்றும் யுவன் சங்கர் ராஜாவின் 'தீம் மியூசிக்'. 11 நாட்களிலேயே 19 கோடிக்கும் மேல் வசூலித்து அஜித்தின் பலத்தை நிரூபித்துள்ளது.

3. படையப்பா - எவர்கிரீன் சூப்பர்ஸ்டார்

வசூல்: 14.95 கோடி
சூப்பர்ஸ்டார் ரஜினிகாந்தின் கேரியரில் மிக முக்கியமான படம் 'படையப்பா'. 1999-ல் வெளியான இந்தப் படம், பல தசாப்தங்கள் கழித்து மீண்டும் திரையிடப்பட்ட போதும் குடும்பம் குடும்பமாக மக்கள் திரையரங்கிற்கு வந்தனர். ரஜினியின் ஸ்டைல் மற்றும் நீலாம்பரியின் நடிப்பு இன்றும் ரசிகர்களை சிலிர்க்க வைக்கிறது.

4. சச்சின்– மென்மையான காதல் வெற்றி

விஜய்யின் கில்லி படத்திற்குப் பிறகு 'சச்சின்' திரைப்படம் மறுவெளியீட்டில் 11 கோடியைத் தாண்டியுள்ளது. ரிலீஸ் ஆன சமயத்தில் சுமாரான வரவேற்பைப் பெற்ற இந்தப் படம், காலப்போக்கில் பலரின் ஃபேவரைட் படமாக மாறியது. அதன் விளைவாகவே இந்த மெகா வசூல் சாத்தியமானது.

5. குஷி – லவ்வர் பாய் விஜய்

எஸ்.ஜே. சூர்யா - விஜய் கூட்டணியில் உருவான இந்தப் படம், இளைஞர்களிடையே ஒரு தனித்துவமான வரவேற்பைப் பெற்றது. 2000-களின் ஆரம்பத்தில் இருந்த அந்தப் பொற்காலத்தை நினைவுபடுத்தும் விதமாக அமைந்த இதன் மறுவெளியீடு, வசூலில் 5 கோடியைக் கடந்தது.

6. பாகுபலி: தி எபிக்  – பிரம்மாண்டத்தின் மறுவருகை

வசூல்: 3.47 கோடி
எஸ்.எஸ். ராஜமௌலியின் இந்த பிரம்மாண்ட படைப்பு, இந்திய சினிமாவையே மாற்றியமைத்தது. பெரிய திரையில் இந்தப் படத்தைப் பார்க்கும் அனுபவத்திற்காகவே ரசிகர்கள் மீண்டும் திரையரங்குகளை நோக்கிப் படையெடுத்தனர்.

7. அட்டகாசம் – தல-யின் அதிரடி

வசூல்: 4.02 கோடி
அஜித் குமார் இரட்டை வேடங்களில் நடித்த 'அட்டகாசம்' திரைப்படம், சரண் இயக்கத்தில் உருவானது. 'தல தீபாவளி' என்று ரசிகர்களால் கொண்டாடப்பட்ட இந்தப் படம், மறுவெளியீட்டிலும் நல்ல வசூலைப் பெற்றது.

8. பாபா & பாட்ஷா – ரஜினியின் ராஜ்ஜியம்

பாபா வசூல்: 3.89 கோடி | பாட்ஷா வசூல்: 2.84 கோடி
ரஜினிகாந்தின் 'பாபா' படம் நவீனத் தொழில்நுட்பத்துடன் (Remastered) மீண்டும் வெளியானபோது அவரது ரசிகர்கள் அதைக் கொண்டாடித் தீர்த்தனர். அதேபோல், 'பாட்ஷா' திரைப்படம் எப்போது வெளியானாலும் ஒரு திருவிழா கோலத்தை உருவாக்கும் என்பதில் ஐயமில்லை.

தமிழ் சினிமாவில் 'ரீ-ரிலீஸ்' என்பது இனி ஒரு தற்காலிகமான விஷயம் அல்ல; அது ஒரு நிரந்தரமான வருமான ஈட்டும் வழியாக மாறிவிட்டது. 'கில்லி' மற்றும் 'மங்காத்தா' படங்களின் வசூல் வேட்டை, தமிழ் சினிமா ரசிகர்களின் ரசனையைத் தெளிவாகக் காட்டுகிறது. தரமான படங்களுக்கு எப்போதும் அழிவில்லை என்பதையே இந்த வசூல் பட்டியல்கள் உணர்த்துகின்றன.