“DUDE” சக்சஸ் Secret - திருமணம், தாலி, குடும்ப பெருமை, ஜாதி மொத்தமா முடிச்சு விட்டாங்க!

தீபாவளி வெளியீடாக வந்த “Dude” படம், இன்று தமிழ் சினிமாவில் பேசும் பொருளாக மாறியுள்ளது. பிரதீப் ரங்கநாதன் நடித்த இந்த ரொமான்டிக்-சோஷியல் காமெடி படம், வெறும் காதல் கதையல்ல - தமிழ் சமூகத்தில் நீண்ட காலமாக “புனிதமாக” கருதப்பட்ட திருமணம், தாலி, குடும்ப பெருமை, ஜாதி போன்றவற்றை நேரடியாக கேள்வி கேட்கும் துணிச்சலான முயற்சி.

1979-ல் ‘ரோசாப்பூ ரவிக்கைக்காரி’ முதல் 1991-ன் ‘சின்னத்தம்பி’ வரை - பெண்கள் மீது குடும்ப பெருமை, சொந்த பந்தம், தாலி போன்ற கருத்துகளை திணித்த சினிமா பாட்டர்னுக்கு இது ஒரு bold challenge. இப்பொழுது “Dude”- அந்த பழைய மௌனத்தை உடைத்து பேசும் புதிய குரல்.

பழைய கிளைமாக்ஸை உடைக்கும் புதிய தலைமுறை சிந்தனை

தமிழ் சினிமா வரலாற்றில் திருமணம் மற்றும் காதலை மையப்படுத்திய பல படங்கள் வந்துள்ளன. ‘இதயத் தாமரை’, ‘பூவேலி’ போன்றவை சில அளவுக்கு மாற்றுக் கருத்துகளை முன்வைத்தாலும், “Dude” அந்த விவாதத்தை இன்றைய தலைமுறையின் பார்வையில் விரிவாக்குகிறது.

படத்தில் பிரதீப் மற்றும் மமிதா பைஜூ நடித்துள்ள காதல் ஜோடி, சமூக தடைகள், ஜாதி, குடும்ப மரபுகள் எல்லாவற்றையும் தாண்டி தங்கள் வாழ்க்கையைத் தீர்மானிக்கிறார்கள். இது “96” படத்தில் நின்ற இடத்திலிருந்து தொடங்கும் பயணம் போல - அங்கு தயக்கம் இருந்தது, இங்கே உறுதி!

“சொந்தம் விட்டுப் போகணும் மாமா... வெளியே போய் புதிய சொந்தங்களை உருவாக்கணும் மாமா...” என்று வரும் வசனங்கள் தியேட்டரில் கைதட்ட வைக்கும் அளவுக்கு தாக்கம் செய்கின்றன.

பெரியாரிய சிந்தனையை Gen Z மொழியில் சொன்ன DUDE

“Dude” படம் பெரியாரிய சிந்தனையை preach பண்ணாமல், மொத்தக் கதையிலும் modern youth-க்கு புரியும் வகையில் blend பண்ணுகிறது. திருமணம் ஆன உடன், ரோகிணி (பிரதீப்பின் தாயாக) கூறும் “பெண்ணை அனுசரிச்சு போ, அது தான் வாழ்க்கை” என்ற வசனம், தமிழ் சினிமாவின் பெண்களுக்கான பார்வையை முழுமையாக மாற்றுகிறது.

அதேபோல், dating app வழியாக வாழ்க்கை துணையைத் தேடுவது ஒரு தவறல்ல - ஒரு தேர்வு. “ஜாதியை parameter-ஆக வைக்காத வரை, அந்த app-கள் தேவையானவை” என்ற message இயக்குநர் கீர்த்தீஸ்வரனின் முக்கியமான take-away.

சிறு குறைகள் இருந்தாலும் பெரியாரிய நோக்கம் தெளிவாகிறது

சில இடங்களில் இரட்டை அர்த்த வசனங்கள், “மாடசாமி” எனும் குல தெய்வப் பெயரை நகைச்சுவையாகப் பயன்படுத்தியிருப்பது, மற்றும் கதாநாயகனின் திருமணத்தை வலியுறுத்தும் சில காட்சிகள் - இவற்றைத் தவிர்த்திருந்தால் படம் இன்னும் “pure rationalist” ஆக இருந்திருக்கும்.

ஆனால் அந்த சிறு குறைகள் படத்தின் சிந்தனைத் திசையை மாற்றவில்லை. மாறாக, “Dude” — சிந்தனையுள்ள சினிமா இன்னும் வாழ்கிறது என்பதை நிரூபித்துள்ளது.

பிரதீப், மமிதா - புதுமை நிறைந்த ஜோடி

பிரதீப் ரங்கநாதன் மீண்டும் ஒரு முறை “modern boy with emotional depth” கதாபாத்திரத்தை உயிரோடு செய்திருக்கிறார். மமிதா பைஜூவின் நடிப்பு படத்தின் ஆன்மா. அவர் எந்தக் குழப்பமுமின்றி தன்னுடைய முடிவை எடுக்கும் பெண் - இது தான் இன்றைய Gen Z பெண்.

இயக்குநர் கீர்த்தீஸ்வரன், பெரியாரியத்தை textbook-ல சொல்லாமல், TikTok–Instagram generation-க்கு ஏற்ப சொல்லியிருப்பது தான் “Dude” படத்தின் மிகப்பெரிய பலம்.

முடிவாக – DUDE, ஒரு புதிய சிந்தனையின் துவக்கம்

“Dude” ஒரு லைட்-ஹார்ட்டட் காதல் காமெடி மாதிரி தோன்றினாலும், அதன் உள்ளே சமூக அமைப்பை சவாலுக்கு உட்படுத்தும் பெரியாரிய குரல் ஒலிக்கிறது. பழைய சினிமா தாலியை மதம் போல காட்டியிருக்கலாம், ஆனால் “Dude” அதையே மனிதத் தத்துவத்தின் கோணத்தில் பேசுகிறது. இந்த தீபாவளி சினிமாவுக்கு ஒரு விளக்கு மட்டும் இல்ல - ஒரு விளக்கம்!