வாரணாசி தலைப்பு சர்ச்சை! ராஜமௌலி மாற்றிய புதிய டைட்டில் என்ன தெரியுமா?

மகேஷ் பாபு,எஸ்.எஸ். ராஜமௌலி இணைப்பு என்றாலே இந்திய சினிமாவில் புதிய சாதனை படைப்பது நிச்சயம். பாகுபலி, ஆர்ஆர்ஆர் போன்ற உலகளாவிய வெற்றிகளை கொடுத்த ராஜமௌலி, இந்த புதிய படத்தையும் ஹாலிவுட் தரத்தில் உருவாக்கி வருகிறார்.

ஆனால், படத்தின் தலைப்பு “வாரணாசி” என்பதால் ஏற்பட்ட சட்ட-சர்ச்சை, படக்குழுவை மாற்றத்திற்குத் தள்ளியது. ரசிகர்கள் ஆவலுடன் காத்திருந்த நிலையில், தற்போது புதிய தலைப்பு அதிகாரப்பூர்வமாக முடிவாயிற்று.

ராமபக்த ஹனுமா என்ற தனியார் நிறுவனம் “வாரணாசி” என்ற பெயரை ஏற்கனவே தங்களின் திரைப்படத்திற்காக பதிவு செய்து வைத்திருந்தது. இதே பெயரை ராஜமௌலி அறிவித்ததால் அவர்கள் தயாரிப்பாளர்களிடம் புகார் அளித்தனர்.

சண்டையைத் தொடராமல், வெளிநாடுகளில் கூட படப்பிடிப்பு நடைபெற வேண்டிய இந்தப் பிராஜெக்ட் எந்த சட்ட சிக்கலும் வேண்டாம் என்பதற்காகவே, ராஜமௌலியும் தயாரிப்பாளர்களும் பெயரை மாற்ற ஒப்புக்கொண்டனர்.

அதன் மூலம், படத்திற்கான புதிய பெயர் ராஜமௌலி வாரணாசி முடிவானது.ராஜமௌலி எப்போதும் கற்பனைக்கு அப்பாற்பட்ட சாகசப் படங்களை உருவாக்குவதில் வல்லவர். இந்த படத்தின் கதை நேரடியாக ராமாயணத்துடன் இணைந்துள்ளது.

RRR படத்தில் உலகளவில் இசை அலைகளை கிளப்பிய எம்.எம். கீரவாணி மீண்டும் ராஜமௌலியுடன் இணைகிறார்."வாரணாசி" தலைப்பு சர்ச்சையால் உருவான குழப்பம் இப்போது தீர்ந்து விட்டது. “ராஜமௌலி வாரணாசி” என புதிய பெயருடன் படம் முன்னேறுகிறது.

ராமாயண பாணி, டைம் டிராவல் சாகசம், மகேஷ் பாபுவின் இரட்டை வேடம், ராஜமௌலி கீரவாணி கூட்டணி. இவை எல்லாம் சேரும்போது 2027ல் வெளியாகும் இந்தப் படம் இந்திய சினிமாவின் வரலாற்றையே மாற்றும் என சொல்லலாம்.