Ajith: இன்று அஜித்தின் 53வது பிறந்தநாளுக்கு சினிமா பிரபலங்கள் மற்றும் ரசிகர்கள் சமூக வலைதளங்களின் மூலம் வாழ்த்துக்களை தெரிவித்து வருகிறார்கள். அத்துடன் இன்று ஏதாவது இவர் நடிக்கும் புது படங்களில் இருந்து அப்டேட் வருமா என்று ரசிகர்கள் காலை முதல் இப்பொழுது வரை காத்துக் கொண்டிருக்கிறார்கள்.
ஆனால் அவர்களுக்கு ஏமாற்றம் கொடுக்கும் வகையில் இந்த நாள் அமைந்துவிட்டது. எந்த ஒரு விஷயமும் அஜித்தை பற்றி வெளிவராமல் கமுக்கமாகவே இன்றைய பிறந்தநாள் முடிவடைய போகிறது. பொதுவாக ரஜினி, கமல், சூர்யா, விஜய் போன்ற ஹீரோக்கள் அனைவரும் ரசிகர்களை குஷிப்படுத்தும் விதமாக அவர்கள் நடித்துக் கொண்டிருக்கும் படத்தின் அப்டேட்டுகளை வெளியிடுவார்கள்.
ஆனால் அஜித் இதை எதையும் செய்யாமல் எனக்கென்று அவருடைய பிறந்த நாளை மட்டும் கொண்டாடி வருகிறார். இருந்தாலும் அஜித் ரசிகர்களை உற்சாகப்படுத்தும் விதமாக இன்று தீனா படத்தை ரீ ரிலீஸ் செய்திருக்கிறார்கள். இப்படம் அஜித்துக்கு ஒரு திருப்புமுனையை ஏற்படுத்திய படம் என்றே சொல்லலாம்.
அஜித்தை விடாமல் துரத்தும் சம்பவங்கள்
அந்த அளவிற்கு மாஸ் படமாக அடுத்த கட்ட லெவலுக்கு கொண்டு போய் சேர்த்தது. அப்படிப்பட்ட படத்தை ரசிகர்கள் இன்று தியேட்டரில் போய் பார்த்து கொண்டாடி வருகிறார்கள். ஆனால் வெறும் கொண்டாட்டத்தையும் தாண்டி அளவுக்கு அதிகமான அலப்பறையும் கூட்டுகிறார்கள்.
அதாவது ஏதாவது படங்கள் ரிலீஸ் ஆகுது என்றால் தியேட்டர் வெளியே வைத்து தான் வெடி வெடித்து பட்டாசுகளை தெறிக்க விடுவார்கள். ஆனால் இன்று ரோகிணி தியேட்டரில் படம் போய்க் கொண்டிருக்கும் பொழுது வத்திகுச்சி பத்திக்காதுடா பாடல் வரும் பொழுது உள்ளையே வெடி வெடித்து ரசிகர்கள் ஆர்ப்பாட்டம் பண்ணி விட்டார்கள்.
கிட்டத்தட்ட இரண்டு வாரங்களுக்கு முன் வெளிவந்த கில்லி படம் இன்று வரை ரசிகர்கள் தூக்கிக் கொண்டாடி வருகிறார்கள். ஆனால் அவர்கள் இந்த மாதிரி ஒரு விஷயத்தை செய்யாத நிலையில் கில்லிக்கு போட்டியாக நாங்கள் பெரிய அளவில் ஏதாவது பண்ணுவோம் என்று தீனா படத்தை பார்த்த ரசிகர்கள் ஆர்ப்பாட்டத்தில் இறங்கி விட்டார்கள்.
இந்த ஒரு விஷயத்தை சன் டிவி நெட்வொர்க் அவர்களுடைய இணையத்தில் வெளியிட்டு இருக்கிறார்கள். இந்த மாதிரி ஒரு விஷயம் எதுவும் நடக்க கூடாது என்று தான் அஜித் அவருடைய பிறந்தநாளை கமுக்கமாக கொண்டாடி வருகிறார். ஆனாலும் ரசிகர்கள் இவரை விடுவதாக இல்லை, அதனால் தீனா படத்தை தீபாவளி போல் கொண்டாடி வருகிறார்கள்.