தனுஷ் தமிழ் சினிமாவையும் தாண்டி பாலிவுட் வரை சென்றதே பெரிய ஆச்சரியமாக பார்க்கப்பட்ட நிலையில் தற்போது அனைவரையும் வியக்க வைக்கும் விதமாக ஹாலிவுட்டில் கால் பதித்து விட்டார்.
ஏற்கனவே தனுஷ் த எக்ஸ்ஆர்டின்ரி ஜர்னி ஆப் தி பகிர்(The Extraordinary Journey of the Fakir) என்ற படத்தின் மூலம் அறிமுகமான நிலையில் தற்போது நெட்பிளிக்ஸ் நிறுவனம் தயாரிக்கும் படத்தில் நடித்துக் கொண்டிருக்கிறார்.
இந்த படத்தை உலகப்புகழ்பெற்ற அவெஞ்சர்ஸ் படங்களை இயக்கிய ரசோ பிரதர்ஸ் இயக்க உள்ளனர். மேலும் இந்த படத்தில் அவெஞ்சர்ஸ் புகழ் கேப்டன் அமெரிக்கா ஸ்டீவ் ரோஜர்ஸ் முக்கிய கதாபாத்திரத்தில் நடிக்க உள்ளார்.
தற்போது அமெரிக்காவில் த கிரே மேன் படத்தின் படப்பிடிப்புகள் விறுவிறுப்பாக நடைபெற்று வருகின்றன. கடந்த சில வாரங்களுக்கு முன்பு தனுஷ் இந்த படத்தில் நடிப்பதற்காக அமெரிக்கா புறப்பட்டுச் சென்ற புகைப்படம் இணையத்தில் வெளியாகி வைரல் ஆனது.
அதனைத் தொடர்ந்து த கிரே மேன் படத்திற்காக வித்தியாசமான ஸ்டைலில் தனுஷ் தாடி வளர்த்து வரும் கெட்டப் புகைப்படம் ஒன்று இணையத்தில் லீக் ஆகியுள்ளது. இந்த புகைப்படம்தான் தற்போது இணையத்தில் டாப் டிரெண்டிங்.
த கிரே மேன் படத்தின் போஸ்டரில் பார்த்தது போலவே தனுஷ் இந்த புகைப்படத்தில் தோற்றமளிக்கிறார். மேலும் விறுவிறுப்பாக நடைபெற்று வரும் இந்த படத்தின் படப்பிடிப்புகள் இன்னும் இரண்டு மாதங்கள் நடக்குமென தெரிகிறது. இந்த படத்தை நெட்ப்ளிக்ஸ் நிறுவனம் தங்களது ஓடிடி தளத்தில் நேரடியாக வெளியிடுவதற்காக பெரும் பொருட்செலவில் தயாரித்து வருகிறது என்பதும் கூடுதல் தகவல்.
