விஜய் டிவியில் ஒளிபரப்பாகி வரும் சீரியல்களில் தற்போது ரசிகர்களை அதிக அளவில் கவர்ந்து வருவது பாக்கியலட்சுமி சீரியல் மட்டும்தான். அதிலும் பேரப்பிள்ளை தூக்க வேண்டிய வயதில் கோபி கல்யாணம் செய்து கொண்டு ஹனிமூன் கொண்டாட கொடைக்கானல் வரை சென்றதெல்லாம் கொஞ்சம் அல்ல ரொம்பவே ஓவராக தான் இருக்கிறது.
புது மனைவியோடு ஜாலியாக தேனிலவுக்கு வந்த கோபிக்கு அங்கும் பாக்யா குடும்பத்தால் ஏகப்பட்ட சிக்கல்கள் வந்து கொண்டிருக்கிறது. அதில் கடுப்பான ராதிகா கோபியை நன்றாக வெளுத்து வாங்குகிறார். இப்படியே சண்டை போட்டுக் கொண்டிருந்த அவர்கள் இருவரும் உன்னால எனக்கு பைத்தியம் பிடிக்குது என்று மாறி மாறி திட்டிக் கொள்கின்றனர்.
Also read : கல்யாணத்துக்கு தயாராகிய வெண்பா.. கிளைமாக்ஸை நோக்கி பாரதி கண்ணம்மா
ஒரு கட்டத்தில் ராதிகா கோபியை கழுத்தை பிடித்து வெளியே தள்ளாத குறையாக ரூமை விட்டு துரத்துகிறார். இதனால் நொந்து போன கோபி எல்லாம் என் தலையெழுத்து என்று ரூம் வாசலில் உட்கார்ந்தபடி புலம்பி கொண்டிருக்கிறார். இந்தக் காட்சி தற்போது ரசிகர்களிடையே நல்ல வரவேற்பை பெற்று வருகிறது.
மேலும் இனிமேல் தான் கோபிக்கு பாக்யாவின் அருமை தெரியும். படித்த ஸ்டைலான பெண் தான் வேண்டும் என்று இந்த வயதிலும் குடும்பத்தை தவிக்க விட்டு கல்யாணம் செய்து கொண்ட கோபிக்கு ராதிகாவின் சுயரூபம் இனிமேல் நரகத்தை காட்டும். ஏற்கனவே அவர் கொடைக்கானலில் பாக்யா குடும்பத்துடன் சந்தோஷமாக இருப்பதை பார்த்து தவறு செய்து விட்டோமோ என்ற வருத்தத்தில் இருக்கிறார்.
Also read : ஒரே நாளில் ஃபேமஸ் ஆக பிளான் போட்ட முல்லை.. திருடர்களுக்கு ஸ்கெட்ச் போட்டு கொடுத்த மருமகள்
அதை அதிகமாக்கும் வகையில் இனிவரும் எபிசோடுகள் களைகட்ட இருக்கிறது. இதுபோன்ற காட்சிகள் தான் அடுத்தடுத்த வாரங்களில் காட்டப்பட இருக்கிறது. அது மட்டுமல்லாமல் எதிர்த்து ஒரு வார்த்தை கூட பேசாத பாக்யாவை விவாகரத்து செய்த கோபி ராதிகாவின் ஆட்டம் தாங்க முடியாமல் அவரையும் விவாகரத்து செய்தாலும் ஆச்சரியப்படுவதற்கு இல்லை.
ஆனால் இனிமேல் பாக்யாவின் வாழ்க்கையில் கோபி என்ற மனிதருக்கு இடமில்லை என்பது மட்டும் நிச்சயம். அந்த வகையில் பாக்கியலட்சுமியில் இந்த சுவாரஸ்ய காட்சிகளை காண்பதற்கு ரசிகர்கள் காத்துக் கொண்டிருக்கின்றனர்.
Also read : பிக்பாஸில் கணவரை பற்றி வாய் திறக்காத ரக்ஷிதா.. பிரிவுக்கு இப்படியெல்லாம் ஒரு காரணமா!