Sirakadikkum Asai serial: விஜய் டிவியில் ஒளிபரப்பாகி வருகின்ற சிறகடிக்கும் ஆசை சீரியலில், ரோகினி தினமும் பயத்தினால் கனவு கண்டு பக்கத்தில் தூங்கிக் கொண்டிருந்த மனோஜை பயமுறுத்துவிட்டார். அந்த வகையில் மீனாவிடம் ரோகினி மாட்டிக்கொண்ட மாதிரியும், தம்பியின் வீடியோவை வெளியிட்டதற்காகவும் பேய் மாதிரி வந்து ரோகினியை மீனா பயம் காட்டுவது போல் ரோகிணி கனவு கண்டு கூச்சலிட்டார்.
இதனை பார்த்து பயந்து போன மனோஜ், விஜயாவிடம் சொல்லி ரோகினிக்கு பேய் பிடித்திருக்கும். அதை சரி செய்ய வேண்டும் என்று பார்வதி வீட்டில் வைத்து முயற்சி எடுக்கிறார்கள். அந்த வகையில் பேய் ஓட்டுபவர் என்று ஒருவரை வரசொல்லி ரோகிணியை உட்கார வைத்து ரோகிணிக்கு அவங்களுடைய அப்பா இறந்து போனதால் அவருடைய ஆசை சில நிராசையாக போய்விட்டது.
அதனால் அதை நிறைவேற்றுவதற்காக மகளின் உடம்புக்குள் வந்திருக்கிறார் என்று பேய் ஓட்டுபவர் சொல்லியதால் கம்பை எடுத்து ரோகிணியை அடித்து பேய் விரட்ட துவங்கி விட்டார். இதனால் வலி தாங்க முடியாத ரோகினி காப்பாற்று மனோஜ் என்று கத்துகிறார். ஆனால் மனோஜும் ரோகினி உடம்பிலிருந்து பேய் போக வேண்டும் என்பதால் ஒன்னும் சொல்லாமல் அமைதியாக நின்று விட்டார்.
பிறகு ரோகிணி அங்கிருந்து எஸ்கேப் ஆகி விடுகிறார். அதன் பிறகு அந்த பேய் ஓட்டுபவர் மனோஜியிடம் கம்பை கொடுத்து தினமும் மூன்று வேளை இந்த கம்பால் ரோகிணியை அடித்து அவருடைய உடம்பில் இருக்கும் பேயே விரட்ட வேண்டும் என்று கொடுக்கிறார். இதனை அடுத்து முத்து வழக்கம்போல் சவாரிக்கு கிளம்பிவிட்டார். அப்பொழுது முத்துவின் காரில் ஒருவர் அவசரமாக ட்ரெயின் பிடிக்க வேண்டும் என்று சொல்லி ஏறுகிறார்.
அதற்கு முத்து என்ன அவசரம் என்று கேட்ட நிலையில் அந்த நபருடைய அப்பா இறந்து விட்டதாகவும் கடைசி காரியத்தை செய்ய வேண்டும் என்பதற்காகவும் சீக்கிரம் அந்த ட்ரெயினை பிடிக்க வேண்டும் என்று அழுது கெஞ்சுகிறார். உடனே முத்து நோ பார்க்கிங்கில் வண்டியை வேகமாகக் கொண்டு வந்து அந்த நபரை ஸ்டேஷனில் இறக்கி விடுகிறார்.
ஆனால் நோ பார்க்கிங்கில் முத்து காரை ஒட்டியதால் டிராபிக் போலீஸ் இடம் மாட்டிக் கொண்டார். ஏற்கனவே முத்துவுக்கும் இந்த டிராபிக் போலீசுக்கும் செருப்பு தைக்கும் பாட்டியை தள்ளி விட்டதால் தகராறு ஏற்பட்டிருக்கிறது. இதன் காரணமாக அந்த டிராபிக் போலீஸ் முத்துவின் காரை ஸ்டேஷனுக்கு கொண்டு போக சொல்லி விட்டார். முத்து எவ்வளவு கேட்டும் அந்த ட்ராபிக் போலீஸ் விதியை மீறியதற்கு தண்டனை என்று சொல்லிவிட்டார்.
இதனால் ஆத்திரப்பட்டு வீட்டுக்கு வந்த முத்து மொத்த கோபத்தையும் மீனாவிடம் காட்டிவிட்டார். மீனாவும் உங்களுக்கு எத்தனை காரணங்கள் இருந்தாலும் சட்டத்தை மீறினது தவறுதான் என்று சொல்கிறார். இதை கேட்டதும் முத்துக்கு இன்னும் அதிகமாக கோபம் வந்துவிட்டது. உடனே மீனாவிடம் சண்டை போட்டு கிளம்பி விடுகிறார். பிறகு இந்த பிரச்சனையில் மாட்டிக் கொண்டு தவிக்கும் முத்துவை சரி செய்ய வேண்டும் என்பதற்காக மீனா வழக்கமாக பூ கொடுக்கும் வீட்டிற்கு போகிறார்.
அங்கே பூ கொடுத்துவிட்டு அந்த வீட்டில் போலீஸ் மேல் அதிகாரி இருப்பதால் அவர்களிடம் சொல்லி முத்துவின் காரை மீட்டெடுக்கலாம் என்பதற்காக உதவி கேட்கிறார். அந்த வகையில் மீனாவிற்காக அந்த போலீஸ் முத்துவின் காரை விடுவதற்கு வாய்ப்பு இருக்கிறது. இதனை தொடர்ந்து ரோகிணி உடம்பில் பேய் இருக்கிறது என்று பொய் சொல்லி ஏமாத்த வந்த பேய் ஓட்டுபவர் மனோஜ் கையில் ஒரு கம்பை கொடுத்துட்டு போனார்.
அந்த வகையில் மறுநாள் ரோகிணி தூங்கிக் கொண்டிருக்கும் பொழுது விஜயா மற்றும் மனோஜ் ரூம்குள் போகிறார்கள். அப்பொழுது விஜயா, மனோஜிடம் ரோகிணி உடம்பிலிருந்து பேய் போக வேண்டும் என்றால் அந்த பேய் ஓட்டுபவர் சொன்னபடி இந்த கம்பால் அடிக்க வேண்டும் என்று சொல்லி அடி என கூறுகிறார். மனோஜும் ரோகிணி தூங்கிக் கொண்டிருக்கும் பொழுது காலில் ஓங்கி கம்மல் விடுகிறார்.
உடனே வலி தாங்க முடியாத ரோகினி கத்தி ஆர்ப்பாட்டம் பண்ண ஆரம்பிக்கிறார். பிறகு மனோஜ் இதெல்லாம் உன் உடம்பில் இருக்கும் பேய் போக வேண்டும் என்றால் இப்படித்தான் பண்ண வேண்டும் என்று சொல்கிறார். உடனே ரோகினி அதற்குள் நான் செத்துப் போய் விடுவேன் பரவாயில்லையா என்று கேட்டு கெஞ்சுகிறார். ஆனால் இந்த அடியை வாங்கும்போது ரோகிணியை பார்க்கும் பொழுது ஒரு வாழ்க்கையை காப்பாற்றுவதற்கு என்னெல்லாம் தாங்கிக் கொள்ள வேண்டியதாக இருக்கு என்று நினைக்கும் போது பாவமாகவும் இருக்கிறது.