ஜியோ ஹாட்ஸ்டாரின் ₹4000 கோடி பம்பர் திட்டம்.. 2026 சூப்பர் லைன்அப்!

ஜியோஹாட்ஸ்டார் சவுத் அன்பவுண்ட் நிகழ்வு இந்த ஆண்டின் மிகப்பெரிய OTT அறிவிப்புகளில் ஒன்றாக அமைந்துள்ளது. தமிழ் மொழிக்காக மட்டும் பல புதிய படங்கள், வலைத் தொடர்கள், ரீஎன்ட்ரிகள் என ரசிகர்களை உற்சாகப்படுத்தும் தொகுப்பு வெளியாகியுள்ளது. ஒவ்வொரு திட்டமும் தனித்துவமான வகை மற்றும் வலுவான நட்சத்திர பட்டியலுடன் வர இருப்பது இந்த லைன்அப்பின் பெருமை.

காட்டான்

விஜய் சேதுபதி “பையா மற்றும் மருத்துவர்” என்ற இரட்டை கேரக்டரில் நடிப்பது இந்த திட்டத்தின் USP ஆகும். இந்த கதையின் மையமாக மனித உளவியல், மர்மம், மற்றும் சஸ்பென்ஸை தாங்கிய க்ரைம்–டிராமா என்று கூறப்படுகிறது. மிலிந்த் சோமன் முக்கிய கதாபாத்திரத்தில் சேர்வதால் எதிர்பார்ப்பு இரட்டிப்பு.

LBW

விக்ராந்த் மற்றும் நியாதி கிடாம்பி இணையும் இந்த ஸ்போர்ட்ஸ்–ரொமான்டிக் டிராமா கிரிக்கெட் பின்னணியில் உருவாகிறது. போட்டி, அதிரடி, மனம் நிறைந்த காதல் – மூன்றையும் சமமாக கலக்கப் போகும் தொடர் இது. இளைஞர்களிடம் வைரலாகும் வாய்ப்பு அதிகம்.

எப்போதும் காதல்

ஜெய பிரகாஷ், ஜெயசுதா, கௌரி கிஷன் உள்ளிட்ட வலுவான நடிகர்கள் இதில் நடித்துள்ளனர். வயது எந்த அளவிற்குச் சென்றாலும் காதல் ஒரு உணர்ச்சி என்பதை மையமாகக் கொண்ட குடும்ப உணர்ச்சி திரைப்படம்.

கெனாத காணோம்

யோகி பாபு இயக்கியும், நடித்தும் உருவாகும் இந்த நகைச்சுவை நாடகம் OTT–யில் மறுபடியும் அவரது காமெடி டைமிங்கை நிரூபிப்பதாக இருக்கும். சிரிப்புக்கும் சமூகச் செய்திக்கும் இடையே சமநிலை இருக்கும் என கூறப்படுகிறது.

ரிசார்ட்

விஜய் குமார் ராஜேந்திரன் மற்றும் தலைவாசல் விஜயின் இணை நடிப்பில் உருவாகும் இந்த த்ரில்லர்-டிராமா ஒரு ரிசார்ட் சூழலில் நடக்கும் அதிரடி சம்பவங்களை மையப்படுத்துகிறது. சஸ்பென்ஸ், இருள், பயம் முழுவதும் திரைக்கதையை பிடிக்க வைக்கும் வகையில் அமைந்துள்ளது.

லிங்கம்

கதிர், திவ்ய பாரதி, பூர்ணிமா ரவி மற்றும் சத்யா உள்ளிட்ட பலர் நடிக்கும் இந்த தொடர், உண்மைக் குற்றங்களை ஒத்த சஸ்பென்ஸ் கதையுடன் வருகிறது. வன்முறை, விசாரணை, உணர்ச்சி கூட்டு கலவையுடன் ரொம்ப நெருக்கடி நிறைந்த தொடர்.

லக்கி 

ஜிவி பிரகாஷ் கதாநாயகனாக, அனஸ்வர ராஜன், மேக்னா சுமேஷ், தேவதர்ஷினி உள்ளிட்டோர் இணையும் இந்த டிராமா, சாதாரண மனிதன் எப்படி “சூப்பர் ஸ்டார்” ஆகிறார் என்பதை சொல்லும் ஊக்கமூட்டும் கதை. குடும்பத்தோடு பார்க்க ஏற்ற கதைக்களம்.

Good Wife Season 2

பிரியாமணி மீண்டும் திரும்பும் இந்த லீகல் டிராமா, பெண்களின் அதிகாரம், குடும்பம், சமூகப் போராட்டங்களை பிரதிபலிப்பதில் முக்கியமான தொடர். சம்பத் ராஜ் மற்றும் ஆரி அர்ஜுனன் மீண்டும் முக்கிய பாத்திரங்களில்.

Heartbeat Season 3

மருத்துவ உலகத்தின் அழுத்தம், நெறிமுறைகள், மனிதம் ஆகியவற்றை மையமாகக் கொண்ட இந்த மெடிக்கல் டிராமா 3வது சீசனில் வரும். அனுமோல், கார்த்திக் குமார், தீபா பாலு உள்ளிட்டோர் மீண்டும் முக்கியக் கதாபாத்திரங்களில்.