இந்த வாரம் முதல் ஜனவரி வரை வெளியாகும் 6 மாஸ் படங்கள்.. மிஸ் பண்ணிடாதீங்க!
டிசம்பர் மற்றும் ஜனவரி மாதங்களில் நெட்ஃபிளிக்ஸ் மற்றும் ZEE5 தளங்களில் வெளியாகவிருக்கும் முக்கிய படங்களின் ரிலீஸ் தேதிகள் மற்றும் சிறு அறிமுகம் இங்கே கொடுக்கப்பட்டுள்ளது.
திரையரங்குகளைத் தாண்டி தற்போது OTT தளங்களில் வெளியாகும் படங்களுக்கான எதிர்பார்ப்பு ரசிகர்களிடையே அதிகரித்துள்ளது. இந்த டிசம்பர் மற்றும் வரும் ஜனவரி மாதங்களில் முன்னணி தளங்களான நெட்ஃபிளிக்ஸ் மற்றும் ZEE5-ல் வெளியாகவிருக்கும் டாப் திரைப்படங்களின் பட்டியல் இதோ.
இந்த ஆண்டின் இறுதியில் ரசிகர்களுக்கு விருந்தளிக்கத் தயாராகி வருகிறது 'மாஸ்க்' (Mask) திரைப்படம். இப்படம் வரும் டிசம்பர் 19 அன்று ZEE5 தளத்தில் வெளியாகிறது.
இதைத் தொடர்ந்து, கிறிஸ்துமஸ் பண்டிகையை முன்னிட்டு டிசம்பர் 25 அன்று நெட்ஃபிளிக்ஸ் தளத்தில் 'ஆந்திரா கிங் தாலுகா'(Andhra King Taluka) வெளியாகிறது. தெலுங்கு திரையுலகில் பெரும் எதிர்பார்ப்பை ஏற்படுத்தியுள்ள இந்த ஆக்ஷன் டிராமா, பண்டிகை கால விடுமுறைக்கு சிறந்த தேர்வாக அமையும்.
மேலும், கீர்த்தி சுரேஷ் நடிப்பில் மிகுந்த எதிர்பார்ப்பை ஏற்படுத்தியுள்ள 'ரிவால்வர் ரீட்டா'(Revolver Rita) திரைப்படம் டிசம்பர் 26 அன்று நெட்ஃபிளிக்ஸில் ஸ்ட்ரீமிங் செய்யப்பட உள்ளது. இது ஒரு அதிரடி காமெடி கலந்த கதையாக இருக்கும் என எதிர்பார்க்கப்படுகிறது.
2026 புத்தாண்டு ரிலீஸ் பிளான் புதிய ஆண்டின் தொடக்கமே பாலிவுட் மற்றும் தென்னிந்திய படங்களின் அணிவகுப்போடு தொடங்குகிறது. அஜய் தேவ்கன் நடிப்பில் உருவான நகைச்சுவைத் திரைப்படம் 'டே டே பியார் டே 2' (De De Pyaar De 2) வரும் ஜனவரி 9, 2026 அன்று நெட்ஃபிளிக்ஸில் வெளியாகிறது.
அதன் பிறகு, காதல் காவியமாக உருவாகியுள்ள தனுஷின் 'தேரே இஷ்க் மே' (Tere Ishq Mein) திரைப்படம் ஜனவரி 23 அன்று நெட்ஃபிளிக்ஸ் தளத்திற்கு வருகிறது. 'ராஞ்சனா' படத்திற்கு பிறகு தனுஷ் - ஆனந்த் எல்.ராய் கூட்டணியில் உருவாகும் படம் என்பதால் இதன் மீது அதிக எதிர்பார்ப்பு உள்ளது.
இறுதியாக, ரன்வீர் சிங், மாதவன் உள்ளிட்ட முன்னணி நட்சத்திரங்கள் நடித்திருக்கும் 'துரந்தர்' (Dhurandhar) திரைப்படம் ஜனவரி 30 அன்று நெட்ஃபிளிக்ஸில் வெளியாகிறது.
