ரஜினிகாந்த் நடிப்பில் கேஎஸ் ரவிக்குமார் இயக்கத்தில் வெளியாகி மாபெரும் வெற்றி பெற்ற திரைப்படம் படையப்பா. இப்படத்தில் ஏராளமான நட்சத்திரங்கள் நடித்துள்ளனர். வில்லியாக ரம்யா கிருஷ்ணனின் அற்புதமான நடிப்பு படத்தின் வெற்றிக்கு பக்கபலமாக அமைந்தது. மிகப்பெரிய அளவில் வரவேற்பு பெற்ற படையப்பா திரைப்படம் ரஜினியின் திரை வாழ்க்கையில் முக்கிய படமாக காணப்படுகிறது.
அதேபோல் கேஎஸ் ரவிக்குமார்க்கும் ரஜினிகாந்துக்கும் இடையே நெருங்கிய நட்பு ஏற்பட இப்படம் தான் காரணமாக அமைந்தது. இப்படத்தின் வெற்றிக்குப் பிறகுதான் இவர்கள் நெருங்கிய நண்பர்களாக மாறினர். அதன் பிறகு கேஎஸ் ரவிக்குமார் ரஜினிகாந்தை வைத்து லிங்கா படத்தை இயக்கி இருந்தார். ஆனால் இப்படம் எதிர்பார்த்த அளவிற்கு வரவேற்பு பெறவில்லை.
அதன் பிறகு இவர்கள் இருவரும் இணைந்து இன்னும் எந்த படத்திலும் பணியாற்ற வில்லை. ஆனால் படையப்பா படத்தில் என் பேரு படையப்பா இளவட்ட நடையப்பா என்ற பாடலில் இடம்பெற்ற ஹேமா பிந்து என்ற குழந்தைதான் தற்போது இதயத்தை திருடாதே சீரியலில் கதாநாயகியாக நடித்து வருவதாக தகவல் வெளியாகியுள்ளது.
அதாவது பாசமுள்ள குழந்தை அப்பா என்ற பாடலில் வரும்போது ஒரு சிறு குழந்தையின் முகம் படத்தில் இடம் பெறும் அதன் பிறகுதான் ரஜினிகாந்தின் முகம் வரும் தற்போது அந்த சின்ன குழந்தை தான் பிரபல சீரியல் நடிகையாக வளர்ந்துள்ளார்.
தற்போது இந்த சீரியல் 1000 எபிசோடுகளை கடந்து மிகப்பெரிய அளவில் ரசிகர்களிடம் வரவேற்பு பெற்று வருகிறது. அதுவும் இந்த சீரியலில் கதாநாயகியாக நடித்து வரும் ஹேமா பிந்துதான் ஏராளமான ரசிகர்கள் உள்ளனர். இவரது சமூக வலைதளப் பக்கத்தில் இரண்டு இலட்சத்திற்கும் மேலான ரசிகர்கள் அவரை பின் தொடர்ந்து வருகின்றனர்.