விஜய் டிவியில் ஒளிபரப்பாகும் தமிழும் சரஸ்வதியும் என்ற சீரியலில் நடிகர் தீபக் உடன் இணைந்து நடித்து வருபவர் நட்சத்திரா. இவர் நடிகை மட்டுமல்லாமல் சின்னத்திரையில் அழகான தொகுப்பாளினியும் ஆவார்.
விஜய் டிவி சீரியலுக்கு முன்பு சன் டிவியில் பல சீரியல்களில் நட்சத்திரா நடித்துள்ளார். தற்போது விஜய் டிவியில் சரஸ்வதியாக கலக்கிக் கொண்டிருக்கும் நட்சத்திராவிற்கு விரைவில் திருமணம் நடக்க உள்ளது.
இவருக்கு ராகவ் என்பவருடன் சில மாதங்களுக்கு முன்பு திருமண நிச்சயதார்த்தம் நடந்து முடிந்தது. அந்த புகைப்படங்கள் அனைத்தும் சோசியல் மீடியாவில் படு வைரலாகி வந்தன. இது ஒரு காதல் திருமணம் ஆகும்.
இவர் தன் வருங்கால கணவர் ராகவை நான்கு வருடமாக காதலித்து வந்துள்ளார். இவர்களின் காதலுக்கு சம்மதம் தெரிவித்த அவரது வீட்டினர் தற்போது திருமண வேலையில் பிசியாக உள்ளனர். நட்சத்திரா மற்றும் ராகவ் இருவரின் திருமணம் டிசம்பர் 9ஆம் தேதி நடக்க உள்ளது.
திருமண கொண்டாட்டத்தில் இருக்கும் நட்சத்திரா தற்போது தன் வருங்கால கணவருடன் இணைந்து எடுத்துக்கொண்ட புகைப்படங்களை சோஷியல் மீடியாவில் ஷேர் செய்து வருகிறார். திருமணத்திற்கு முன்பு எடுக்கப்பட்ட ப்ரீ வெட்டிங் போட்டோ தான் அது.
இந்த போட்டோவில் இருவரும் ஒரே நிற ஆடை அணிந்து அழகாக இருக்கின்றனர். நட்சத்திரா தன் வருங்கால கணவருக்கு முத்தம் கொடுப்பது போல் இருக்கும் இந்த போட்டோ தற்போது ரசிகர்களின் கவனத்தை பெற்றுள்ளது.
விரைவில் திருமண பந்தத்தில் நுழைய இருக்கும் நட்சத்திராவிற்கு அவரது ரசிகர்கள் பலரும் வாழ்த்துக்களையும், ஆசிகளையும் தெரிவித்து வருகின்றனர். மேலும் திருமணத்திற்குப் பின்னும் சீரியலில் நடிப்பைத் தொடர வேண்டும் என்ற கோரிக்கையும் விடுகின்றனர்.
