தமிழ் சினிமாவின் தவிர்க்க முடியாத நடிகராக உருவெடுத்துள்ளார் சிவகார்த்திகேயன். முன்னணி நடிகர்களான ரஜினி, கமல், விஜய், அஜீத் ஆகியோருக்குப் பிறகு 100 கோடி வசூல் கொடுக்கும் நாயகனாக உயர்ந்துள்ளார். கடைசியாக வெளியான சிவகார்த்திகேயனின் டாக்டர் திரைப்படம் 100 கோடி வசூல் சாதனை செய்துள்ளது.
தன்னுடைய கேரியரின் சரியான பாதையில் சென்று கொண்டிருக்கும் சிவகார்த்திகேயன் திடீரென ஒரு குறிப்பிட்ட இயக்குனருடன் சேர்ந்து படம் செய்யலாம் என்ற யோசனையில் இருப்பதாகவும் அதை கோலிவுட்டில் பலரும் வேண்டாம் என மறுப்பதாகவும் ஒரு தகவல் வெளியாகி உள்ளது.
யார்ரா அவரு என்றுதானே கேட்கிறீர்கள். அவர் வேறு யாரும் இல்லை நம்ம கௌதம் மேனன் தான். உண்மையைச் சொல்ல வேண்டுமென்றால் கௌதம் மேனன் தன்னுடைய தனித்தன்மையை இழந்து நீண்ட நாட்களாகிவிட்டது. ஒரு காலத்தில் காக்க காக்க, விண்ணைத்தாண்டி வருவாயா, வேட்டையாடு விளையாடு என தொடர் வெற்றி படங்களை கொடுத்துக் கொண்டிருந்தவர் தற்போது ஒரு வெற்றி கூட கொடுக்க முடியாமல் தடுமாறிக் கொண்டு இருக்கிறார்.
அதேபோல் அவர் நீண்ட நாட்களாக இயக்கிவரும் துருவ நட்சத்திரம் படமும் இப்பவோ அப்பவோ என இழுத்துக் கொண்டிருக்கிறது. அதேபோல் ஜோஸ்வா இமைபோல் காக்க என்ற படத்தின் ரிலீஸ் நடந்த பாடில்லை. இப்படி துவண்டு இருந்தவர் சிவகார்த்திகேயனை எப்படியோ வசியம் செய்து ஒரு கதையைச் சொல்லி ஓகே செய்ய வைத்து விட்டார் என்கிறார்கள் கோலிவுட் வாசிகள்.
இதைக் கேள்விப்பட்ட சினிமாவின் பெரிய தலைகள் பலரும் கௌதம் மேனன் முழு கதையையும் எழுதமாட்டார் அவருடன் படம் செய்தால் அந்த படம் கண்டிப்பாக நினைத்த நேரத்தில் முடியாது எனவும் சிவகார்த்திகேயனை பயமுறுத்தி விட்டார்களாம்.
சிவகார்த்திகேயனும் கமர்சியல் படங்களில் நடித்து வருவதால் கௌதம் மேனன் படம் சுத்தமாக செட்டாகாது, இந்த படம் கண்டிப்பாக அவருடைய சினிமா கேரியரில் மிஸ்டர் லோக்கல் போல் அடி வாங்க அதிக வாய்ப்பு இருக்கிறது என பயத்தை காட்டி விட்டார்கள் போல. பிறகு பார்க்கலாம் என்று சொல்லி விட்டாராம்.