இந்த வாரம் வெளியேறியது இவரா? இறுதிப்போட்டிக்கு முன் நடந்த ட்விஸ்ட்!

விஜய் டிவியின் பிரம்மாண்ட நிகழ்ச்சியான பிக் பாஸ் தமிழ் சீசன் 9, தற்போது விறுவிறுப்பான இறுதிக்கட்டத்தை எட்டியுள்ளது. இன்னும் சில வாரங்களே மீதமுள்ள நிலையில், கடந்த வாரம் முழுக்க உணர்ச்சிகரமான 'ஃப்ரீஸ் டாஸ்க்' (Freeze Task) நடைபெற்றது.

போட்டியாளர்களின் குடும்பத்தினர் உள்ளே வந்து சென்றது பார்ப்பவர்களையும் நெகிழச் செய்தது. இந்த நெகிழ்ச்சியான தருணங்களுக்குப் பிறகு, இன்று ரசிகர்களால் ஆவலோடு எதிர்பார்க்கப்பட்ட எலிமினேஷன் படலம் நடைபெற்றது. இதில், குறைந்த வாக்குகளைப் பெற்ற காரணத்தினால் அமித் பார்கவ் வீட்டை விட்டு வெளியேற்றப்பட்டார்.

இந்த சீசனில் வைல்ட் கார்ட் போட்டியாளராக நுழைந்தவர் அமித் பார்கவ். ஆரம்பத்தில் மிகவும் சுறுசுறுப்பாகவும், சக போட்டியாளர்களுக்கு சவால் கொடுக்கும் வகையிலும் தனது ஆட்டத்தைத் தொடங்கினார்.

ஒரு வலுவான போட்டியாளராக உருவெடுப்பார் என்று எதிர்பார்க்கப்பட்ட நிலையில், போகப்போக அவரது பங்களிப்பு குறையத் தொடங்கியது. குறிப்பாக, முக்கியமான விவாதங்களில் அமைதி காத்தது மற்றும் தனித்துவமான ஆட்டத்தை வெளிப்படுத்தத் தவறியது அவருக்குப் பின்னடைவாக அமைந்தது.

பிக் பாஸ் போன்ற ரியாலிட்டி ஷோக்களில் மக்கள் செல்வாக்கு என்பது ஒரு போட்டியாளர் எவ்வளவு தூரம் நிகழ்ச்சியில் ஈடுபடுகிறார் என்பதைப் பொறுத்தே அமையும். அமித் பார்கவ் தொடக்கத்தில் காட்டிய வேகம், சில வாரங்களிலேயே மறைந்து போனது ரசிகர்களிடையே ஏமாற்றத்தை ஏற்படுத்தியது.

"அமித் ஆட்டத்தில் எந்த மாற்றமும் இல்லை, அவர் இன்னும் தீவிரமாக விளையாடியிருக்கலாம்" என்பதே சமூக வலைதளங்களில் பலரது கருத்தாக இருந்தது. இதன் எதிரொலியாகவே வாக்கெடுப்பில் அவர் பின்தங்கி, இந்த வாரம் வெளியேற நேரிட்டது.?

அமித்தின் வெளியேற்றத்திற்குப் பிறகு, தற்போது வீட்டில் இருக்கும் மற்ற போட்டியாளர்களுக்கு இடையே போட்டி இன்னும் கடுமையாகியுள்ளது. இறுதிப்போட்டிக்கு தகுதி பெறப் போகும் அந்த டாப் 5 (Top 5) போட்டியாளர்கள் யார் என்பது குறித்த விவாதங்கள் இப்போதே சூடுபிடிக்கத் தொடங்கிவிட்டன. வரும் நாட்களில் கொடுக்கப்படவுள்ள சவாலான டாஸ்க்குகள், மீதமுள்ள போட்டியாளர்களின் தலைவிதியை நிர்ணயிக்கும் என்பதில் சந்தேகமில்லை.