பாத்ரூம் மேட்டரால் வெடித்த சர்ச்சை! விஜய் சேதுபதி எடுக்கப்போகும் அதிரடி நடவடிக்கை?

பிக் பாஸ் தமிழ் சீசன் 9 தற்பொழுது விறுவிறுப்பான கட்டத்தை எட்டியுள்ளது. வழக்கமாக போட்டியாளர்களின் மோதல்கள் மட்டுமே பேசுபொருளாகும் நிலையில், இந்த முறை ஒரு மர்மமான நாய் குரைக்கும் சத்தம் பார்வையாளர்களை அதிர்ச்சியில் ஆழ்த்தியுள்ளது.

நள்ளிரவு நேரத்தில் திடீரென இந்த சத்தம் கேட்டது, வீட்டின் விதிமுறைகளை யாரோ மீறிவிட்டார்கள் என்பதற்கான எச்சரிக்கையாகவே பார்க்கப்படுகிறது. இந்த சத்தம் ஒலித்த சில நிமிடங்களிலேயே போட்டியாளர் பார்வதி கேமராவைப் பார்த்து அழுது கொண்டே பேசியது பல சந்தேகங்களை எழுப்பியுள்ளது.

இந்த சர்ச்சைக்கெல்லாம் முக்கிய காரணமாகச் சொல்லப்படுவது 'சூப்பர் டீலக்ஸ்' குளியலறைக்குள் நடந்த ஒரு சம்பவம் தான். பார்வதி மற்றும் கமருதீன் இருவரும் நீண்ட நேரம் அந்த பகுதிக்குள் இருந்ததாகவும், அங்கு சில அநாகரீகமான செயல்கள் நடந்ததாகவும் தகவல்கள் வெளியாகியுள்ளன. இதைக் கவனித்த பிக் பாஸ், நேரடியாக எச்சரிக்காமல் நாய் குரைக்கும் ஒலியை ஒலிக்கச் செய்து அவர்களுக்கு மறைமுகமான ஒரு 'வார்னிங்' கொடுத்துள்ளார்.

இதன் பின்னரே கமருதீன் குளியலறையை விட்டு வெளியே வருவதும், அடுத்த 5 நிமிடங்களில் பார்வதி மைக் மூலமாக, "என்னால் இந்த சூழலில் உணர்ச்சிகளைக் கட்டுப்படுத்த முடியவில்லை, என்னை போக விடுங்கள்" என்று கதறியதும் பதிவாகியுள்ளது.

இந்த சம்பவத்திற்குப் பிறகு, மறுநாள் காலை முதலே பார்வதி மிகுந்த மன உளைச்சலில் காணப்படுகிறார். "வீட்டில் என் அண்ணன், அம்மா மற்றும் குடும்பத்தினர் இதைப் பார்த்தால் என்ன நினைப்பார்கள்?" என்று கூறி அவர் தொடர்ந்து கண்ணீர் விட்டு வருகிறார். தர்மசங்கடமான நிலையில் இருந்த அவருக்கு ஆறுதல் கூறிய கமருதீன், "நீ கவலைப்படாதே, நான் உன் வீட்டிற்கு வந்து பேசி உன்னைத் திருமணம் செய்து கொள்கிறேன்" என்று வாக்குறுதி அளித்துள்ளார். இது போட்டியாளர்கள் மத்தியிலும் சமூக வலைதளங்களிலும் ஒரு பெரும் விவாதத்தையே கிளப்பியுள்ளது.

பிக் பாஸ் நிகழ்ச்சியின் வரலாற்றிலேயே இது போன்ற ஒழுக்கக் குறைவான புகார்கள் வரும்போது, தொகுப்பாளர் அந்தப் பிரச்சினையை மிகத் தீவிரமாக அணுகுவது வழக்கம். தற்போது இந்த சீசனை மக்கள் நாயகன் விஜய் சேதுபதி தொகுத்து வழங்கி வருவதால், வரும் வார இறுதி எபிசோடில் இதற்கான 'விசாரணை' மிகக் கடுமையாக இருக்கும் என்று எதிர்பார்க்கப்படுகிறது.

விதிமுறைகளை மீறியதற்காக இவர்கள் இருவருக்கும் ரெட் கார்டு (Red Card) வழங்கப்படுமா அல்லது மக்கள் முன்னிலையில் பகிரங்கமாக கண்டிக்கப்படுவார்களா என்பதைப் பார்க்க ரசிகர்கள் ஆவலாக உள்ளனர்.