பிரஜின் வெளியேற உண்மையான காரணம் இதுதான்! பிக் பாஸ் வெளியிட்ட ட்விஸ்ட் தகவல்

பிக் பாஸ் தமிழ் நிகழ்ச்சியில், சீசன்களுக்கு இடையே, திடீரென சில புதிய போட்டியாளர்கள் உள்ளே வருவது வழக்கம். இது 'வைலட் சர்க்கிள்' அல்லது வைல்ட் கார்டு என்ட்ரி என்று அழைக்கப்படுகிறது. பிக் பாஸ் 9-லும், திவ்யா, அமித், மற்றும் நட்சத்திர தம்பதியான பிரஜின், சாண்ட்ரா ஆகியோர் வைல்ட் கார்டு என்ட்ரியாக உள்ளே வந்தனர்.

பிரஜின் உள்ளே வந்த முதல் நாளிலேயே, பிக் பாஸ் வீட்டில் ஒரு சுனாமி ஏற்பட்டது போல இருந்தது. ஒவ்வொரு போட்டியாளரும், தாங்கள் எப்படி விளையாடப் போகிறோம் என்று வைத்திருந்த வியூகங்களை, அவர்களின் முகத்திற்கு முன்பே உடைத்து எறிந்தார். பிரஜினின் பேச்சு ஆழமாகவும், கூர்மையாகவும் இருந்தது. இதனால், இவர் பிக் பாஸ் வீட்டின் இறுதிப் போட்டிக்குச் செல்லக்கூடிய போட்டியாளராக இருப்பார் என்று பரவலாகப் பேசப்பட்டது.

ஆனால், காலப்போக்கில் அவரது ஆட்டம் மாறத் தொடங்கியது. தனக்கான தனிப்பட்ட ஆட்டத்தை வெளிப்படுத்துவதை விட, அவர் சாண்ட்ராவின் நிழல் போலவும், அவருக்குப் பாதுகாப்புக் கொடுக்கும் 'பாடி கார்ட்' போலவும் மட்டுமே செயல்படுவதாக சக போட்டியாளர்கள் மற்றும் ரசிகர்கள் மத்தியில் விமர்சனம் எழுந்தது.

பிரஜின், சாண்ட்ராவுக்காக மட்டுமே அதிகம் குரல் கொடுத்தார், விவாதித்தார், சண்டையிட்டார். அவர் தனித்துச் செயல்படாதது, அவரது இமேஜுக்கு ஒரு பலவீனமாக அமைந்தது. ஒரு கட்டத்தில், இந்த 'தம்பதி கேம்' ரசிகர்கள் மத்தியில் சோர்வை ஏற்படுத்தியது.

இந்த வார எவிக்ஷனும் விறுவிறுப்பாக இருந்தது. FJ, சாண்ட்ரா, மற்றும் பிரஜின் ஆகியோர் டேஞ்சர் சோனில் இருப்பதாகப் பேசப்பட்டது. இந்த மூன்று பேரில் எவரேனும் ஒருவர் வெளியேற்றப்படலாம் என்று ரசிகர்கள் எதிர்பார்த்துக் கொண்டிருந்த நிலையில், முடிவுகள் அனைவரையும் அதிர்ச்சிக்குள்ளாக்கியது. வைல்ட் கார்டு என்ட்ரியாக வந்து, ஒரு பெரிய எதிர்பார்ப்பை ஏற்படுத்திய பிரஜின் தான் பிக் பாஸ் 9 வீட்டை விட்டு எவிக்ட் செய்யப்பட்ட போட்டியாளர்.

பிரஜின் வெளியேறியதற்கு, ஆரம்பத்தில் அவர் காட்டிய அதீத உத்வேகத்தை அடுத்த நாட்களில் தக்க வைத்துக் கொள்ளாதது, மற்றும் அவர் சாண்ட்ராவுக்காக மட்டுமே அதிக அளவில் விளையாடியது போன்ற காரணங்கள் இருக்கலாம் என்று கூறப்படுகிறது.

பிக் பாஸ் வீட்டில் பிரஜன் ஒரு நாளைக்கு 30,000 சம்பளம் வாங்குவதாக கூறப்படுகிறது. அதன்படி 35 நாட்கள் பிக் பாஸ் வீட்டில் இருந்த பிரஜன் கிட்டத்தட்ட பத்து லட்சத்தி ஐம்பதாயிரம் பெற்றிருக்கிறார்.

பிரஜினின் எதிர்பாராத எவிக்ஷன் பிக் பாஸ் 9 நிகழ்ச்சிக்கு ஒரு பெரிய ட்விஸ்ட் ஆகும். வலுவான போட்டியாளராகக் கணிக்கப்பட்ட ஒருவர், திடீரென வெளியேறியது, மீதமுள்ள போட்டியாளர்களுக்கும் ஒரு எச்சரிக்கை மணியாகும். பிரஜின், தான் பிக் பாஸ் வீட்டில் இருந்த குறைவான நாட்களிலேயே நல்ல தொகையைச் சம்பாதித்து விட்டார்.

அவரது வெளியேற்றம், ஆட்டத்தில் சாண்ட்ராவின் போக்கையும், ஒட்டுமொத்த நிகழ்ச்சியின் விறுவிறுப்பையும் மாற்றியமைக்கும் என்பதில் சந்தேகமில்லை. அடுத்த வாரங்களில், பிக் பாஸ் வீட்டில் என்னென்ன நாடகங்களும், ட்விஸ்ட்டுகளும் அரங்கேறப் போகின்றன என்பதைக் காத்திருந்து பார்க்கலாம்.