பிக்பாஸ் காதல்.. நிஜ வாழ்க்கையில் கசந்த 7 ரீல் ஜோடிகள்!

பிக்பாஸ் நிகழ்ச்சி என்றாலே சண்டை, சச்சரவுகளுக்குப் பஞ்சமிருக்காது. அதே சமயம், ஒவ்வொரு சீசனிலும் ஒரு காதல் ஜோடி உருவாவது வாடிக்கையாகிவிட்டது. கேமராக்களுக்கு முன்னால் உருகி உருகி காதலித்த பல ஜோடிகள், வீட்டை விட்டு வெளியே வந்த சில நாட்களிலேயே "நாங்கள் வெறும் நண்பர்கள் தான்" என பிரிந்து ரசிகர்களுக்கு அதிர்ச்சி அளித்துள்ளனர். அப்படி பிக்பாஸ் வீட்டை விட்டு வெளியே வந்ததும் முறிந்த சில முக்கிய காதல் கதைகளைப் பார்ப்போம்.

முதல் சீசனில் ஓவியா மற்றும் ஆரவ் இடையிலான 'மருத்துவ முத்தம்' விவகாரம் தமிழகத்தையே உலுக்கியது. வெளியே வந்த பிறகு இருவரும் இணைவார்கள் என எதிர்பார்க்கப்பட்ட நிலையில், ஆரவ் நடிகை ராபர்ட்டாவை திருமணம் செய்து கொண்டார்.

இதேபோல், சீசன் 3-ல் தர்ஷன் மற்றும் சனம் ஷெட்டி ஏற்கனவே காதலித்து வந்தனர். ஆனால் தர்ஷன் வெளியே வந்த பிறகு ஏற்பட்ட கருத்து வேறுபாடுகளால் அந்த காதல் போலீஸ் புகார் வரை சென்று பிரிவில் முடிந்தது.

பிக்பாஸ் வரலாற்றிலேயே அதிக ரசிகர்களைக் கவர்ந்த ஜோடி கவின் மற்றும் லாஸ்லியா. 'கவிலியா' என இவர்களுக்கென தனி ஆர்மி உருவானது. ஆனால் ஷோ முடிந்த கையோடு இருவரும் தனித்தனி பாதையில் பயணிக்கத் தொடங்கினர்.

அதேபோல், சீசன் 4-ல் ஷிவானி மற்றும் பாலாஜி முருகதாஸ் இடையிலான நட்பு காதலாகப் பார்க்கப்பட்டது. ஆனால் வெளியே வந்ததும் அவர்கள் தங்களுக்குள் எந்தத் தொடர்பும் இல்லை என்பதைத் தெளிவுபடுத்தினர்.

சீசன் 2-ல் மஹத் மற்றும் யாஷிகா இடையிலான நெருக்கம் பெரும் சர்ச்சையை ஏற்படுத்தியது. ஏற்கனவே காதலி கொண்டிருந்த மஹத், யாஷிகாவிடம் தன் காதலைச் சொன்னார். ஆனால் வெளியே வந்ததும் தனது பழைய காதலியான பிராச்சியையே திருமணம் செய்துகொண்டார்.

சமீபத்திய சீசன்களில் ரவீனா மற்றும் மணிச்சந்திரா ஜோடி மிகவும் பேசப்பட்டது. நடன கலைஞர்களான இவர்கள் இருவரும் வெளியே வந்த பிறகு பிரிந்துவிட்டதாக தகவல்கள் வெளியாகி சமூக வலைதளங்களில் விவாதமானது.

 அர்ணவ் மற்றும் அன்ஷிதா இடையிலான உறவு மிகவும் விமர்சிக்கப்பட்டது. அர்ணவின் தனிப்பட்ட குடும்பப் பிரச்சனைகள் மற்றும் திவ்யாவுடனான மோதல்களுக்கு மத்தியில், இவர்கள் இருவரின் நெருக்கமும் பிக்பாஸ் வீட்டிற்குள் பேசுபொருளானது. ஆனால் இது வெறும் நட்பு மட்டுமே என அவர்கள் தரப்பில் கூறப்பட்டாலும், சர்ச்சைகள் ஓய்ந்தபாடில்லை.