இந்த வாரம் டபுள் எவிக்‌ஷன்! வெளியேறப் போவது யார்?

பிக் பாஸ் நிகழ்ச்சியின் விறுவிறுப்பு குறையாமல் தொடரும் நிலையில், இந்த வார நாமினேஷன் பட்டியல் ரசிகர்களிடையே பெரும் பரபரப்பை ஏற்படுத்தியது. வினோத், சபரி, கம்ருதீன், சாண்ட்ரா, எஃப்.ஜே, வியானா மற்றும் ரம்யா என மொத்தம் ஏழு பேர் இந்த முறை எலிமினேஷன் லிஸ்ட்டில் இருந்தனர்.

இந்த வாரத்தின் மிகப் பெரிய திருப்பமே, நிகழ்ச்சியில் இருந்து இரண்டு போட்டியாளர்கள் வெளியேற்றப்பட உள்ளனர் என்று உறுதியான தகவல் கசிந்ததுதான். இதுவே வீட்டின் சூழலை மேலும் பதட்டமாக்கியுள்ளது.

வெளியான அதிகாரபூர்வமற்ற வாக்குப்பதிவு முடிவுகளின்படி, போட்டியாளர்களின் நிலைப்பாடு தெளிவாகிறது. நடிகரும், சீரியல் நட்சத்திரமுமான வினோத் தொடக்கத்தில் இருந்தே அதிகப்படியான மக்கள் ஆதரவைப் பெற்று, வாக்குகள் பட்டியலில் முதலிடத்தில் இருப்பதால், அவர் இந்த வாரம் வெளியேற வாய்ப்பில்லை என்பது கிட்டத்தட்ட உறுதியாகியுள்ளது.

அவருக்கு அடுத்தபடியாக, சிறப்பான ஆட்டத்தைக் வெளிப்படுத்தி வரும் சபரி, சாண்ட்ரா, மற்றும் கம்ருதீன் ஆகியோரும் கணிசமான வாக்குகளைப் பெற்று, தற்காலிகமாகப் பாதுகாப்பான இடத்தைப் பிடித்துள்ளனர்.

இதன் காரணமாக, இந்த வாரம் எலிமினேஷன் அபாய மண்டலத்தில் சிக்கித் தவிப்பவர்களாக வியானா, எஃப்.ஜே, மற்றும் ரம்யா ஆகிய மூவர் இருந்தனர். ஆரம்பக்கட்ட நிலவரப்படி, எஃப்.ஜே அல்லது வியானா இருவரில் ஒருவரே குறைந்த வாக்குகளுடன் வெளியேறுவார்கள் என்று எதிர்பார்க்கப்பட்டது.

இந்நிலையில், பிக் பாஸ் வீட்டிலிருந்து வரும் புதிய மற்றும் மிகவும் அதிர்ச்சியூட்டும் தகவல் என்னவென்றால், ஆரம்பத்தில் குறைந்த வாக்குகளைப் பெற்றிருந்த எஃப்.ஜே, வியானா ஆகியோரைக் கடந்து, ரம்யா இந்த வாரம் எலிமினேட் ஆகப் போகிறார் என்பதேயாகும். கடந்த வாரம் மிகக் குறைந்த வாக்குகளைப் பெற்ற போதும், அவர் ஒருமுறை நிகழ்ச்சியில் இருந்து காப்பாற்றப்பட்டு வெளியேற்றப்படவில்லை.

ஆனால், "ஒரு வார கெடு முடிந்துவிட்டது, இப்போதைய மக்கள் வாக்குகளின் அடிப்படையில் ரம்யா வெளியேற்றப்பட வாய்ப்புள்ளது" என்று பிக் பாஸ் வட்டாரங்களில் பேசப்படுகிறது. முதல் வெளியேற்றமாக ரம்யா இருப்பது உறுதி செய்யப்பட்டால், இது ரசிகர்களிடையே பெரிய விவாதத்தை எழுப்பும். இரண்டாவது வெளியேற்றம் எஃப்.ஜே அல்லது வியானா இருவரில் ஒருவராக இருக்க அதிக வாய்ப்புகள் உள்ளன.

எலிமினேஷன் குறித்த இந்தத் தகவல் கசிந்தாலும், நிகழ்ச்சியின் வார இறுதி ஷூட்டிங் பணிகள் இன்னும் முழுமையாக முடிவடையவில்லை. பொதுவாக, கடைசி நேரத்தில் மக்களின் மனநிலை மற்றும் நிகழ்ச்சியின் டி.ஆர்.பிதேவைகளைக் கருத்தில் கொண்டு தயாரிப்பு தரப்பில் முடிவுகள் மாற்றியமைக்கப்பட வாய்ப்புகள் உள்ளன.

குறிப்பாக, இது இரட்டை வெளியேற்றம் என்பதால், எந்தவொரு போட்டியாளரின் வெளியேற்றமும் கடைசி நிமிடம் வரை உறுதி செய்யப்படாத ஒரு மர்மமாகவே இருக்கும். அதிகாரபூர்வமான அறிவிப்பிற்காக நாம் பொறுத்திருந்து பார்க்கலாம்.