மைக் இல்லாமல் என்ன பேச்சு? நீச்சல் குளத்தில் மாட்டிக்கொண்ட பார்வதி கமருதீன்

பிக்பாஸ் தமிழ் சீசன் 9 விறுவிறுப்பான 11 வாரங்களை கடந்து, தற்போது 12-வது வாரத்தில் கால் பதிக்கிறது. அடுத்த வாரம் போட்டியாளர்களின் குடும்பத்தினர் வருகை தரும் 'ஃபேமிலி ரவுண்ட்' என்பதால் ரசிகர்கள் மிகுந்த எதிர்பார்ப்புடன் உள்ளனர்.

இந்நிலையில், பார்வதி மற்றும் கமருதீன் ஜோடி ஒரு பெரிய சர்ச்சையில் சிக்கியுள்ளது. இருவரும் நீச்சல் குளத்தில் குளித்துக் கொண்டிருந்த போது, பிக்பாஸ் விதிகளுக்குப் புறம்பாக தங்களது மைக்குகளைக் கழற்றி வைத்துவிட்டு நீண்ட நேரம் ரகசியமாகப் பேசிக்கொண்டு இருந்துள்ளனர்.

பிக்பாஸ் வீட்டின் மிக முக்கியமான விதியே 24 மணிநேரமும் மைக் அணிந்திருக்க வேண்டும் என்பது  தான். ஆனால், இவர்கள் இருவரும் மைக் இல்லாமல் பேசுவதைக் கவனித்த பிக்பாஸ், உடனடியாக அவர்களை எச்சரித்து மைக்குகளை அணியுமாறு உத்தரவிட்டார்.

கடந்த வாரத்திலும் இதேபோல மைக் இல்லாமல் பேசி கண்டனத்திற்கு ஆளான இவர்கள், மீண்டும் அதே தவறைச் செய்தது சக போட்டியாளர்களிடையே கொந்தளிப்பை ஏற்படுத்தியுள்ளது. "கேமராவிற்குத் தெரியாமல் என்ன பேச வேண்டிய அவசியம் வந்தது?" என்று மற்ற ஹவுஸ்மேட்ஸ் இவர்களைக் கடிந்து கொண்டனர்.

ஒவ்வொரு சீசனிலும் ஒரு காதல் ஜோடி உருவாவது வழக்கமான ஒன்றுதான் என்றாலும், பார்வதி மற்றும் கமருதீனின் இந்தச் செயல் விளையாட்டு விதிகளையே அச்சுறுத்துவதாக ரசிகர்கள் கருதுகின்றனர்.

சமூக வலைதளங்களில், "விதிமுறைகளை மதிக்காத இவர்கள் வீட்டிற்குள் இருக்கத் தகுதியற்றவர்கள்" எனப் பலரும் கருத்து தெரிவித்து வருகின்றனர். ஏற்கனவே மைக் விவகாரத்தில் கண்டிப்பு காட்டி வரும் நிலையில், இந்த வார இறுதியில் இவர்கள் இருவருக்கும் குறும்படம் போடப்படுமா அல்லது கடுமையான தண்டனை வழங்கப்படுமா என்பதைப் பொறுத்திருந்துதான் பார்க்க வேண்டும்.