ரசிகர்களால் ரசிக்கப்படும் சில தொகுப்பாளர்களில் VJ ரம்யாவுக்கு ஒரு தனி இடம் உண்டு. இவருக்கென்று ஒரு தனி ரசிகர் பட்டாளமே உள்ளது. அதேபோல் VJ ரம்யா பல்வேறு கலை நிகழ்ச்சிகள், இசை வெளியீட்டு விழாக்கள், டிவி நிகழ்ச்சிகள், சினிமா நிகழ்ச்சிகளை தொகுத்து வழங்குவதன் மூலம் மக்களிடையே பிரபலமானார்.
சமீபகாலமாக தொகுப்பாளர் பணியை விட்டுவிட்டு சினிமாவில் கவனம் செலுத்தி வருகிறார். இதனைத் தொடர்ந்து ரம்யா சில படங்களில் சிறிய வேடங்களில் நடித்துள்ளார். மாஸ்டர் படத்தில் மாளவிகாவின் தோழியாக நடித்து ரசிகர்களை சுண்டி இழுத்தார்.
அதைப்போல் இவர் தனியாக யூடியூப் சேனல் ஒன்றை ஆரம்பித்து, அதில் 4 வாரத்தில் 5 கிலோ எடையை குறைத்துள்ளதாக குறிப்பிட்டு, சில புகைப்படங்களையும் சமூக வலைதளங்களில் பதிவிட்டு பலரையும் வியப்பில் ஆழ்த்தினார்.