பிக்பாஸ் சீசன் 9 தற்போது இறுதிக்கட்டத்தை எட்டியுள்ள நிலையில், ‘டிக்கெட் டூ ஃபினாலி’ டாஸ்க்கின் போது ஏற்பட்ட மோதல் சமூக வலைதளங்களில் காட்டுத்தீயாய் பரவி வருகிறது. குறிப்பாக, சான்ட்ரா மீது நடத்தப்பட்ட தாக்குதலுக்கு அவரது கணவரும், நடிகருமான பிரஜின் வெளியிட்டுள்ள எச்சரிக்கை வீடியோ தற்போது ட்ரெண்டிங்கில் உள்ளது.
nn
பிக்பாஸ் வீட்டின் மிக முக்கியமான ‘டிக்கெட் டூ ஃபினாலி’ டாஸ்க் விறுவிறுப்பாக நடைபெற்று வருகிறது. இதில் வெற்றி பெறுபவர் நேரடியாக இறுதிப் போட்டிக்கு தகுதி பெறுவார் என்பதால், போட்டியாளர்கள் மத்தியில் கடும் போட்டி நிலவுகிறது. இந்த வாரத்தின் ஒரு பகுதியாக நடத்தப்பட்ட கார் டாஸ்க்கில், சான்ட்ராவை காரிலிருந்து வெளியேற்ற பார்வதியும் கம்ருதீனும் இணைந்து செயல்பட்டனர்.
nn
இந்த தள்ளுமுள்ளுவின் போது சான்ட்ரா பலமாக காயமடைந்ததாக கூறப்படுகிறது. இதனைத் தொடர்ந்து அவருக்கு ஏற்பட்ட உடல்நலக் குறைவால், அவர் உடனடியாக வீட்டிற்கு வெளியே அழைத்துச் செல்லப்பட்டு மருத்துவமனையில் அனுமதிக்கப்பட்டார். இந்த சம்பவம் ரசிகர்கள் மத்தியில் பெரும் கொந்தளிப்பை ஏற்படுத்தியது.
nn
செய்தியாளர்களை சந்தித்த பிரஜின், சான்ட்ராவின் நிலை குறித்து தனது கவலையை வெளிப்படுத்தினார். அவர் பேசுகையில், “பிக்பாஸ் ஒப்பந்தத்தில் இருப்பதால் சில விஷயங்களை என்னால் வெளிப்படையாக பேச முடியவில்லை. ஆனால், சான்ட்ராவுக்கு நடந்த அநீதி ஏற்றுக்கொள்ள முடியாதது. கம்ருதீன் மற்றும் பார்வதி செய்த தவறுக்கு இந்த வாரமே உரிய தண்டனை வழங்கப்பட வேண்டும்” என்று கூறினார்.
nn
மேலும், கம்ருதீனை மறைமுகமாக எச்சரித்த அவர், “நான் மீண்டும் பிக்பாஸ் வீட்டிற்குள் செல்லப்போகிறேன். நான் உள்ளே நுழையும்போது கம்ருதீன் அங்கு இருந்தால், அது அவருக்கு கெட்ட நேரம். அவர் வெளியேறி இருந்தால் அது அவருக்கு நல்ல நேரம். இதையொரு வார்னிங்காகவே எடுத்துக்கொள்ளுங்கள்” என ஆவேசமாக தெரிவித்தார்.
nn
பிக்பாஸ் வீட்டில் இருந்து வெளியேறிய பிறகு பிரஜினுக்கு சினிமா வாய்ப்புகள் குவிந்து வருகின்றன. இது குறித்து பேசிய அவர், ஏற்கனவே மூன்று படங்கள் முடிந்துவிட்ட நிலையில், தற்போது முன்னணி நிறுவனங்களின் புதிய படங்களில் ஒப்பந்தமாகி இருப்பதாகவும், விரைவில் அதன் அதிகாரப்பூர்வ அறிவிப்புகள் வெளியாகும் என்றும் மகிழ்ச்சியுடன் தெரிவித்தார். பிக்பாஸ் 9-வது சீசன் வெற்றியாளர் யார் என்பது இறுதிவரை புரியாத புதிராகவே இருக்கும் என்றும் அவர் கணித்துள்ளார்.
nn
சான்ட்ரா தற்போது குணமடைந்து வருவதாக பிக்பாஸ் குழுவினர் உறுதி அளித்துள்ள நிலையில், வார இறுதி எபிசோடில் கம்ருதீன் மற்றும் பார்வதிக்கு ‘ரெட் கார்டு’ வழங்குவாரா அல்லது கடுமையான தண்டனை கொடுப்பாரா என்பதை அறிய ரசிகர்கள் ஆவலுடன் காத்திருக்கின்றனர்.
