விஜய் டிவியில் விறுவிறுப்பாக சென்றுகொண்டிருக்கும் பிக் பாஸ் சீசன் 9 நிகழ்ச்சியில், இந்த வாரம் போட்டியாளர்களின் குடும்ப உறுப்பினர்கள் வருகை தரும் ‘ப்ரீஸ்’ டாஸ்க் நடைபெற்று வருகிறது. உணர்ச்சிகரமான மற்றும் அதிரடியான திருப்பங்களுக்குப் பெயர் போன இந்த வாரத்தில், இன்றைய எபிசோட் ரசிகர்களிடையே பெரும் எதிர்பார்ப்பை ஏற்படுத்தியுள்ளது. குறிப்பாக, வீட்டில் நெருக்கமாகப் பழகி வரும் பார்வதி மற்றும் கம்ருதீன் ஆகிய இருவரின் குடும்பத்தினரும் ஒரே நேரத்தில் சந்தித்ததுதான் இன்றைய ஹைலைட்.
nn
ஆரம்பத்திலிருந்தே பார்வதி தனது அம்மா குறித்து மிகுந்த அச்சத்தில் இருந்தார். கம்ருதீனுடன் அவர் பழகும் விதம் வெளியில் தவறாகச் சித்தரிக்கப்படுமோ என்றும், அதற்குத் தன் அம்மா எப்படி எதிர்வினையாற்றுவார் என்றும் கலங்கிக் கொண்டிருந்தார். ஆனால், பிக் பாஸ் வீட்டிற்குள் நுழைந்த பார்வதியின் அம்மா, மிகவும் எதார்த்தமாக நடந்துகொண்டார்.
nn
சக போட்டியாளர்களிடம் கனிவாகப் பேசிய அவர், பார்வதியிடம் தனிப்பட்ட முறையில் சில முக்கிய அறிவுரைகளை வழங்கினார். விளையாட்டில் கவனம் செலுத்துமாறும், மற்ற விஷயங்களில் எல்லை மீற வேண்டாம் என்றும் அவர் நாசூக்காகச் சுட்டிக்காட்டினார்.
nn
வழக்கம் போல சுவாரசியத்தைக் கூட்ட நினைத்த பிக் பாஸ் டீம், பார்வதியின் அம்மா வீட்டில் இருக்கும்போதே கம்ருதீனின் குடும்பத்தையும் உள்ளே அனுப்பியது. கம்ருதீனின் அக்கா மற்றும் மச்சான் வீட்டிற்குள் நுழைந்தனர். வந்த வேகத்திலேயே கம்ருதீனை ஒரு பிடி பிடித்த அவரது அக்கா, விளையாட்டைத் தாண்டி அவர் செய்துகொண்டிருக்கும் சில செயல்கள் குடும்பத்திற்கு சங்கடத்தை ஏற்படுத்துவதாகக் கண்டித்தார்.
nn
இந்த சந்திப்பின் போது கம்ருதீனின் அக்கா பேசிய வார்த்தைகள்தான் தற்போது இணையத்தில் வைரலாகி வருகிறது. பார்வதியைப் பார்த்து, “இவள் உனக்கு ஒரு தங்கை மாதிரி” என்று அவர் நேரடியாகக் கூறியது கம்ருதீனுக்கு பேரதிர்ச்சியாக அமைந்தது. “வெளியே மக்கள் நம்மைக் கவனித்துக் கொண்டிருக்கிறார்கள், வந்த வேலையில் மட்டும் கவனம் செலுத்து” என அவர் கம்ருதீனை ‘லெஃப்ட் அண்ட் ரைட்’ வாங்கினார்.
nn
பார்வதியின் அம்மா முன்னிலையிலேயே, கம்ருதீனின் அக்கா இப்படிப் பேசியது பிக் பாஸ் ரசிகர்களிடையே பலத்த விவாதத்தை உருவாக்கியுள்ளது. பார்வதி மற்றும் கம்ருதீன் இடையேயான நட்பை அவர்களது குடும்பத்தினர் விரும்பவில்லை என்பது இதன் மூலம் வெளிப்படையாகத் தெரிய வந்துள்ளது. வரும் நாட்களில் இவர்களது நட்பு தொடருமா அல்லது குடும்பத்தின் கண்டிப்பால் இருவரும் இடைவெளி விட்டு விளையாடுவார்களா என்பதைப் பொறுத்திருந்துதான் பார்க்க வேண்டும்.
