Ethirneechal 2 Serial: சன் டிவியில் வந்த சீரியல்களிலே மக்களிடம் அதிக தாக்கத்தை ஏற்படுத்திய நாடகம் என்றால் அது எதிர்நீச்சல் தான். அந்த அளவிற்கு கதைகளும் ஆர்டிஸ்ட்களின் நடிப்பும் மக்களை அதிக அளவில் கவர்ந்தது. ஆனால் திடீரென்று குணசேகரன் கதாபாத்திரத்தில் நடித்த மாரிமுத்து மறைந்ததால் சீரியல் மொத்தமாகவே தலைகீழாக மாறிவிட்டது.
அதனால் தொடர்ந்து நெகடிவ் கமெண்ட்ஸ்களும் டிஆர்பி ரேட்டிங்கில் கம்மியான புள்ளிகளையும் பெற்றதால் எதிர்நீச்சல் நாடகத்தை முடித்து விட்டார்கள். ஆனாலும் மறுபடியும் வேண்டும் என்று மக்கள் வேண்டுகோள் வைத்ததன்படி தற்போது எதிர்நீச்சல் தொடர்கிறது என்று இரண்டாம் பாகம் கதையாக வந்து கொண்டிருக்கிறது.
ஆனால் இதில் முதல் பாகத்தில் கதாநாயகியாக ஜனனி கதாபாத்திரத்தில் நடித்த மதுமிதா சீரியலில் இருந்து விலகி விட்டார். காரணம் விஜய் டிவியில் அய்யனார் துணை என்ற சீரியலில் கதாநாயகியாக நடிக்கும் வாய்ப்பு கிடைத்ததால் எதிர்நீச்சல் சீரியலுக்கு டாட்டா காட்டிவிட்டார்.
இதற்கிடையில் எதிர்நீச்சல் சீரியலில் நடிப்பை பிரமாதமாக கொடுத்து பலரையும் வியக்க வைத்த ஜான்சி ராணி அவரும் எதிர்நீச்சல் சீரியலில் இருந்து விலகி சிந்து பைரவி என்ற சீரியலில் சிவாவின் அம்மாவாக நடித்த வருகிறார். இவர்களைத் தொடர்ந்து எதிர்நீச்சல் சீரியலில் குணசேகரன் தங்கையாக ஆதிரை கதாபாத்திரத்தில் நடித்த சத்தியா தற்போதும் இரண்டாம் பாகத்தில் நடித்து வருகிறார்.
ஆனால் எதிர்நீச்சல் முதல் பாகத்தில் இவருடைய கதாபாத்திரம் நெகட்டிவ் ஆக இருந்தாலும் பாதியிலேயே திருந்தி அண்ணனுக்கு எதிராக சாட்சி சொல்லி, அண்ணிகளுக்கு பெரிய அளவில் சப்போர்ட் செய்து வந்தார். அப்படிப்பட்ட இவருடைய கேரக்டர் இரண்டாம் பாகத்தில் புரியாத புதிராக இருக்கிறது என்று சொல்லும் அளவிற்கு நெகட்டிவ் ஆகவும் அண்ணிகளை விரோதியாக பார்த்து அண்ணன்களுக்கு ஜால்ரா போட்டு வருகிறார்.
இந்த சூழலில் விஜய் டிவியில் தனம் என்ற சீரியலில் கதாநாயகியாக நடிக்கும் வாய்ப்பு ஆதிரைக்கு கிடைத்திருக்கிறது. இந்த சீரியலின் பிரமோவும் தற்போது விஜய் டிவியில் ஒளிபரப்பாகிவிட்டது. அதனால் இதில் கதாநாயகியாகவும் எதிர்நீச்சல் இரண்டாம் பாகத்தில் வில்லியாகவும் நடிக்க முடியாது என்பதால் எதிர்நீச்சல் இரண்டாம் பாகத்தில் இருந்து விலகப் போவதாக தகவல் வெளியாகி இருக்கிறது.
முக்கியமாக எதிர்நீச்சல் சீரியலில் இருந்து ஆர்டிஸ்ட்களை தொக்காக தொக்கும் அளவிற்கு விஜய் டிவி பிளான் பண்ணி காய் நகர்த்தி வருகிறார்கள். அதே மாதிரி விஜய் டிவியில் பாக்கியலட்சுமி சீரியலில் சின்ன வயசுல இருந்தே நடித்து வரும் மயூ என்கிற பொண்ணு தற்போது எதிர்நீச்சல் இரண்டாம் பாகத்தில் தர்ஷனுக்கு ஜோடியாக அன்புக்கரசி என்ற கதாபாத்திரத்தில் தாவி இருக்கிறார். மறைமுகமாக சன் டிவி மற்றும் விஜய் டிவி ஆர்டிஸ்டிகளை வைத்து காய் நகர்த்தி வருவது போல் தெரிகிறது.