Sivakarthikeyan: 10 வருடங்களுக்கு முன்பு சிவகார்த்திகேயன் போட்ட ட்வீட் ஒன்றை இணையவாசிகள் தற்போது மீண்டும் வைரல் ஆக்கி வருகிறார்கள். அது மட்டும் இல்லாமல் வாழ்க்கையில் அப்படி ஒரு வளர்ச்சியை தான் நாம் அடைய வேண்டும் என சிவாவை ஓஹோ என புகழ்ந்து வருகிறார்கள்.
அதிலும் நேற்றைய தினம் அமரன் படத்தின் ரிலீஸ் தேதி அதிகாரப்பூர்வமாக அறிவிக்கப்பட்டிருக்கும் நிலையில் இந்த வைரலாகி வருகிறது. குடும்பங்கள் கொண்டாடும் கதாநாயகனாக சினிமாவிற்குள் வந்தவர் தான் சிவகார்த்திகேயன்.
விஜய் டிவி மூலம் ஏற்கனவே பெரிய அளவில் தனக்கான இடத்தை தமிழக மக்கள் நெஞ்சை பிடித்து விட்டார். கலக்கப்போவது யாரு டைட்டில் வின்னர், விஜய் டிவி ஆங்கர் என சின்ன திரையில் வெற்றி நாயகனாக வலம் வந்தார்.
விஜய் டிவியின் விருது வழங்கும் விழாவில் தொகுப்பாளராக இருந்து இவர் பெரிய நடிகர்களுடன் பேசிய நிறைய வீடியோக்கள் அவ்வப்போது வைரலாகும். தளபதி விஜய் சிவகார்த்திகேயன் இடம் ரொம்பவும் எளிமையாக பேசி பழகக் கூடியவர்.
ஒரு விருது வழங்கும் விழாவில் விஜய் சிவகார்த்திகேயனை குழந்தைகளை எல்லாம் இவர் கவர்ந்து விட்டார் என சொல்லி பாராட்டி இருந்தார். 2012 ஆம் ஆண்டு விஜய் நடித்த துப்பாக்கி படம் ரிலீஸ் ஆகி இருந்தது. அப்போது சிவகார்த்திகேயனுக்கு முதல் நாள், முதல் ஷோ டிக்கெட் கிடைத்திருக்கிறது.
அசுர வளர்ச்சின்னா இப்படி இருக்கணும்
அப்போது தன்னுடைய twitter-ல் இப்போ கையில் துப்பாக்கி வைத்திருப்பவர்களை விட, துப்பாக்கி படத்தின் டிக்கெட் வைத்திருப்பவர்கள் தான் பெரிய ஆட்கள், எனக்கு துப்பாக்கி படத்தில் முதல் நாள் முதல் ஷோ டிக்கெட் கிடைத்திருக்கிறது என பதிவிட்டிருக்கிறார்.
அதுவும் அந்த டிக்கெட்டை சிவகார்த்திகேயனுக்கு கொடுத்தது தற்போது அமரன் படத்தை இயக்கி இருக்கும் இயக்குனர் ராஜ்குமார் பெரியசாமி தான். அந்த டிக்கெட்டை கொடுத்ததற்கு சிவகார்த்திகேயன் அவருக்கு நன்றியும் சொல்லி இருக்கிறார்.
தற்போது இவர்கள் இருவரும் இணைந்து அமரன் என்னும் பிரம்மாண்ட படத்தை உருவாக்கி இருக்கிறார்கள். இந்த படத்தின் போஸ்டரில் சிவகார்த்திகேயன் ராணுவ வீரராக கையில் துப்பாக்கியுடன் நிற்கிறார். துப்பாக்கி படத்தில் விஜய்யும் ராணுவ வீரராக தான் நடித்திருந்தார். சிவகார்த்திகேயனின் இந்த வளர்ச்சியை தான் தற்போது ரசிகர்கள் பெரிய அளவில் பேசி வருகிறார்கள்.