Vijay Salary: டாப் ஹீரோக்களாக வலம் வரும் நடிகர்களின் சம்பளம் படத்தின் பட்ஜெட்டை விட அதிகமாக இருந்து வருகிறது. இதற்குக் காரணம் அவர்களது ரசிகர் கூட்டம் தான். எப்படியும் இந்த ஹீரோ நடித்தால் போட்ட பட்ஜெட்டை விட பல மடங்கு அள்ளிவிடலாம் என்று தான் தயாரிப்பு நிறுவனமும் சம்பளத்தை வாரி கொடுக்கிறது.
அந்த வகையில் கோலிவுட்டை பொருத்தவரையில் விஜய் தான் அதிக சம்பளம் வாங்கும் நடிகர்களில் முதலிடத்தில் இருந்தார். அதாவது கடைசியாக விஜய் நடிப்பில் வெளியான கோட் படத்தை ஏஜிஎஸ் நிறுவனம் தயாரித்திருந்தது. இதற்கு முன்னதாக பிகில் படத்தையும் இந்நிறுவனம் தயாரித்து லாபத்தை பெற்றது.
இதன் காரணமாக கோட் படத்தில் விஜய்யின் சம்பளம் 250 கோடி. அதேபோல் பாலிவுட்டில் அதிக சம்பளம் வாங்கும் நடிகரான ஷாருக்கானின் சம்பளமும் 250 கோடி தான். இப்போது விஜய் கே வி என் ப்ரொடக்ஷன் தயாரிப்பில் வினோத் இயக்கத்தில் தளபதி 69 படத்தில் நடிக்க இருக்கிறார்.
தளபதி 69 படத்தில் விஜய்யின் சம்பளம்
இப்படத்தில் விஜய்யின் சம்பளத்தை கேட்டால் தலையை சுற்றுகிறது. பிரம்மாண்ட பட்ஜெட்டில் உருவாகும் இந்த படத்தில் விஜய்யின் சம்பளம் 275 கோடியாகும். இதன் மூலம் சினிமாவில் அதிக சம்பளம் வாங்கும் நடிகர்களில் விஜய் நம்பர் ஒன் இடத்தில் இருக்கிறார்.
இவ்வாறு சினிமாவில் உயர்ந்த இடத்தில் இருக்கும் போது கொஞ்சமும் பயப்படாமல் அரசியலில் முழுவதுமாக இறங்க விஜய் முடிவெடுத்திருக்கிறார். மேலும் அரசியலில் வென்றாலும், வீழ்ந்தாலும் மீண்டும் சினிமாவில் நடிக்க போவதில்லை என்ற முடிவை எடுத்துள்ளார்.
சினிமா அவருக்கு கோடிகளை கொட்டி கொடுத்தாலும் மக்களுக்காக நல்லது செய்ய வேண்டும் என்று அரசியலில் இறங்க இருக்கிறார். மேலும் விஜய்யின் கடைசி படமான தளபதி 69 படத்துக்காக ஒட்டுமொத்த சினிமா ரசிகர்கள் மட்டுமின்றி அனைவருமே காத்திருக்கின்றனர்.
மாசாக உருவாகும் தளபதி 69