வெப் தொடர்கள் கலாச்சாரம் இப்போதெல்லாம் அதிகமாக உள்ளது. மக்கள் வெப் தொடர்களை விரும்பி பார்க்க ஆரம்பித்து விட்டனர். குறிப்பாக திரில்லர் வெப் தொடர்கள் என்று கேள்விப்பட்டால், உடனே மக்கள் அதை பார்ப்பதற்கு ஆர்வம் காட்டுவதையும் காண முடிகிறது.
இந்த நிலையில் அலறவிட போகும் வெப் தொடர் தொடர்பான அறிவிப்பு ஒன்று வெளியாகியுள்ளது. குறிப்பாக குழந்தைகள் சம்மந்தப்பட்ட இந்த வெப் தொடர், குழந்தைக்களுக்கானதாக இருக்கும் ஏறணும் ஒரு எதிர்ப்பார்ப்பு உள்ளது.
கல்யாண் சுப்ரமணியன் தயாரிப்பில் கார்த்திக் சுப்புராஜ் தொகுத்துள்ள ஒரு புதிய வெப்தொடரை அசோக் வீரப்பன், பரத் முரளீதரன், கமலா அல்கெமிஸ் இயக்கியுள்ளனர். இந்த டார்க் காமெடி த்ரில்லரில் நவீன் சந்திரா, நந்தா, மனோஜ் பாரதிராஜா, முத்துக்குமார், ஸ்ரீந்தா, ஸ்ரீஜித் ரவி, சம்ரித், சூர்யா ராகவேஷ்வர் உட்பட பலர் நடித்துள்ளனர்.
விளையாட்டு வினையாக முடியுமா?
மர்மங்கள் மற்றும் சூழ்ச்சிகள் நிறைந்த 9 எபிசோடுகளை கொண்ட ஸ்னேக் அண்ட் லாட்ட்ர்ஸ் வெப் தொடர் தமிழ், தெலுங்கு, மலையாளம், கன்னடம், இந்தி மொழிகளில் வெளியாகிறது. கடந்த 20 வருடத்துக்கு முன் நடைபெறுவது போல இதன் திரைக்கதை அமைக்கப்பட்டுள்ளது. கவனக்குறைவால் புதிரான சூழலில் சிக்கி, அதிலிருந்து விடுபட போராடும் 4 பள்ளி நண்பர்களின் சாகசப் பயணத்தைப் பற்றி இத்தொடர் பேசுகிறது.
பொதுவாக மர்ம கதைகளில் ஒரு விளையாட்டு வரும்போது, அது இன்னும் சுவாரஸ்யமானதாக இருக்கும். இந்த நிலையில் குழந்தைகளுக்கான இந்த தமிழ் த்ரில்லர் வெப்தொடர் ‘ஸ்னேக்ஸ் அண்ட் லாடர்ஸ்’, பிரைம் வீடியோவில் வரும் 18-ம் தேதி வெளியாகிறது. இதை மிகுந்த ஆர்வத்தோடு நெட்டிசன்கள் எதிர்பார்த்துக் கொண்டிருக்கின்றனர்.