Biggboss 8: பிக்பாஸ் நிகழ்ச்சியில் கடந்த வாரம் ஹோட்டல் டாஸ்க் கொடுக்கப்பட்டது. அது சுவாரஸ்யம், சண்டை, சர்ச்சை என எல்லாம் கலந்த கலவையாக இருந்தது. அதேபோல் இந்த வாரமும் ஒரு டாஸ்கை பிக் பாஸ் கொடுத்துள்ளார்.
ஆனால் இதன் மூலம் சில போட்டியாளர்களின் முகமூடி கிழியவும் வாய்ப்பு இருக்கிறது. ஏனென்றால் இந்த வார டாஸ்க் ஆள் மாறாட்டம், செய்ய வேண்டும் என்பதுதான். போட்டியாளர்கள் இன்னொருவரை போல் நடந்து கொள்ள வேண்டும்.
அவர்களுடைய எந்த குணங்கள் மக்களுக்கு தெரிய வேண்டும் என நினைக்கிறார்களோ அதை அப்படியே பிரதிபலிக்க வேண்டும். இதுதான் பிக் பாஸ் கொடுத்த விதிமுறை. இதனால் போட்டியாளர்கள் இப்போது குஷியாகி விட்டார்கள்.
ஆள் மாறாட்டம் செய்யும் பிக்பாஸ் போட்டியாளர்கள்
யார் மீது என்ன கோபம் இருக்கிறதோ அதை அப்படியே இதன் வாயிலாக காட்டிக் கொள்ள முடியும். அதன்படி ஒவ்வொருவரும் என்ஜாய் செய்து இந்த டாஸ்கை ரணகளப்படுத்தி வருகின்றனர். அதன் ப்ரோமோ தற்போது வெளியாகி உள்ளது.
அதில் ஆண்கள் அணியை விட பெண்கள் அணி தான் ஜாலியாக களம் இறங்கி இருக்கின்றனர். சௌந்தர்யா சுனிதாவாக மாறி செம கன்டென்ட் கொடுக்க தயாராகி விட்டார. ஏற்கனவே டேமேஜ் ஆகி இருந்த சுனிதாவின் இமேஜ் இந்த வாரம் காலியானாலும் ஆச்சரியப்படுவதற்கு இல்லை.
மேலும் ஆண்கள் அணியை பொருத்தவரையில் ரஞ்சித் ஜெஃப்ரி போல் மீசை எடுத்துவிட்டு ஜாலியாக சுற்றி வருகிறார். இப்படி நமக்கு தெரியாத பல ரகசியங்கள் இந்த வாரம் வெளிவர இருக்கிறது. இது எந்த அளவுக்கு பஞ்சாயத்தாக மாறும் என பார்ப்போம்.