Biggboss 8: விஜய் டிவியின் பிக்பாஸ் நிகழ்ச்சி தொடங்கி மூன்று வாரங்கள் முடிந்துவிட்டது. நான்காவது வாரத்தில் ஆள் மாறாட்டம் டாஸ்க் கொடுக்கப்பட்டு போட்டியாளர்கள் பின்னி பெடல் எடுத்து வருகின்றனர்.
அதேபோல் இந்த மூன்று வாரங்களில் ரவீந்தர், அர்ணவ், தர்ஷா குப்தா ஆகியோர் வெளியேறி இருக்கின்றனர். இந்த வாரம் அன்சிதா வெளியேற வாய்ப்பு இருப்பது போல் தெரிகிறது. அதே நேரத்தில் சில வைல்ட் கார்டு போட்டியாளர்களையும் உள்ளே இறக்க விஜய் டிவி திட்டமிட்டுள்ளது.
அதன்படி தற்போது ஒரு ஹேண்ட்ஸம் நடிகர் தான் பிக் பாஸ் வீட்டுக்குள் வர இருக்கிறார். ஏற்கனவே விஜய் டிவியிலிருந்து பல பிரபலங்கள் வீட்டுக்குள் இருக்கின்றனர்.
பிக் பாஸ் வீட்டுக்குள் வரும் புது போட்டியாளர்
அதில் குக் வித் கோமாளி நிகழ்ச்சியின் மூலம் பிரபலமானவர்கள் தான் அதிகம். அந்த வகையில் தற்போது குக் வித் கோமாளி நிகழ்ச்சியில் கலந்து கொண்ட நடிகர் சந்தோஷ் பிரதாப் தான் வீட்டுக்குள் வர இருக்கிறார்.
இது மற்ற போட்டியாளர்கள் வயிற்றில் புளியை கரைத்தாலும் சுனிதா சந்தோஷமாகத்தான் இருப்பார். ஏனென்றால் குக் வித் கோமாளி நிகழ்ச்சியில் இவர்கள் இருவரின் கெமிஸ்ட்ரி வெகு பிரபலம்.
உண்மையில் இவர்கள் காதலிக்கிறார்கள் திருமணம் செய்யப் போகிறார்கள் என்று கூட பேசப்பட்டது. ஆனால் நிகழ்ச்சிக்காக இவர்கள் கொடுத்த கன்டென்ட் தான் அது. இருப்பினும் சந்தோஷ் உள்ளே வருவதால் மீண்டும் இவர்களுக்குள் ஒரு கெமிஸ்ட்ரி பற்றி கொண்டாலும் ஆச்சரியப்படுவதற்கு இல்லை.