தமிழ் சினிமாவில் ரஜினி – கமல், அஜித் – விஜய் ஆகியோருக்குப் பிறகு ரசிகர்களை இரண்டு பிரிவாகப் பிரித்து வைத்தது என்றால் அது தனுஷ் மற்றும் சிம்பு தான். ஆரம்பத்தில் இவர்களுக்குள் ஒரு பனிப்போர் இருந்ததாகப் பேசப்பட்டாலும், காலப்போக்கில் இருவரும் நல்ல நண்பர்களாகிவிட்டனர்.
இப்போது இவர்கள் இருவரும் இணைந்து ஒரு மல்டி-ஸ்டாரர் படத்தில் நடித்தால், அது தமிழ் சினிமாவின் பாக்ஸ் ஆபீஸ் ரெக்கார்டுகளைத் தூள் தூளாக்கும் என்பதில் சந்தேகமே இல்லை.
சிம்புவின் அந்த ஸ்டைலான ஸ்க்ரீன் பிரசன்ஸ் மற்றும் தனுஷின் அசுரத்தனமான நடிப்பு – இந்த இரண்டு ஆற்றல்களும் ஒரே திரையில் மோதினால் அது ஒரு மிகப்பெரிய விஷுவல் ட்ரீட்டாக அமையும். குறிப்பாக, இப்போது தனுஷ் ஒரு பக்கம் ஹாலிவுட் வரை சென்று ‘அவெஞ்சர்ஸ்’ இயக்குநர்களுடன் (Russo Brothers) கைகோர்த்து மிரட்டிக் கொண்டிருக்கிறார்.
இன்னொரு பக்கம் சிம்பு, ‘மாநாடு’, ‘வெந்து தணிந்தது காடு’ எனத் தனது செகண்ட் இன்னிங்ஸில் புகுந்து விளையாடுகிறார். இவர்களை இணைக்க சரியான நபர் என்றால் அது செல்வராகவனாகவோ அல்லது மணிரத்னமாகவோ தான் இருக்க முடியும். மணிரத்னத்தின் தக் லைஃப் படத்தில் ஏற்கனவே சிம்பு ஒரு முக்கிய இடத்தில் இருக்கும்போது, ஒருவேளை அந்த யுனிவர்ஸில் தனுஷும் உள்ளே வந்தால் எப்படியிருக்கும்.
வணிக ரீதியாகப் பார்த்தால், இருவருக்குமே தனித்தனியாக 100 கோடி முதல் 200 கோடி ரூபாய் வரை வசூல் செய்யும் மார்க்கெட் இருக்கிறது. இவர்கள் இருவரும் இணையும் படம் முதல் நாளிலேயே தமிழ்நாட்டில் மட்டும் 50 கோடி ரூபாய்க்கு மேல் வசூல் செய்ய வாய்ப்புள்ளது.
தனுஷின் ரசிகர்கள் மற்றும் சிம்புவின் தீவிரமான ரசிகர்கள் ஒன்றாகத் திரையரங்கிற்கு வரும்போது, அது வசூல் ரீதியாக ஒரு புதிய வரலாற்றையே எழுதும். ‘விக்ரம்’ படத்தில் கமல் – விஜய் சேதுபதி – பகத் பாசில் கூட்டணி ஏற்படுத்திய தாக்கத்தை விட, தனுஷ் – சிம்பு கூட்டணி ஒரு எமோஷனல் ஏற்படுத்தும்.
முக்கியமான விஷயம் என்னவென்றால், இருவரும் இப்போது நல்ல முதிர்ச்சியான நடிகர்களாக மாறியுள்ளனர். கதைக்காகத் தங்களை மாற்றிக்கொள்ளத் தயங்காதவர்கள். ஒருவேளை இவர்கள் இருவரும் இணைந்து நடித்தால், அது வெறும் படமாக மட்டுமல்லாமல், நடிப்புத் திறமைக்குத் தீனி போடும் ஒரு படமாகவும் இருக்கும்.
அப்படி ஒரு சம்பவம் நடந்தால், தமிழ் சினிமா சர்வதேச அளவில் மீண்டும் ஒருமுறை திரும்பிப் பார்க்கப்படும்!
