தமிழ் மற்றும் மலையாள சினிமாவின் லெஜண்டரி நடிகர் மம்முட்டி, தன் கரியரில் பல சவாலான கதாபாத்திரங்களை செய்தவர். 2000 ல் வெளிவந்த “கண்டுகொண்டேன் கண்டுகொண்டேன்”படத்தில் அவர் நடித்த மேஜர் பாலா என்ற கதாபாத்திரம், இன்றும் ரசிகர்களின் மனதில் நீங்கா நினைவுகளை ஏற்படுத்தியுள்ளது.
இந்த கதாபாத்திரம் சாதாரணமானது அல்ல. தனது காலில் ஏற்பட்ட காயத்தால் ஒரு காலைக் இழந்த முன்னாள் இராணுவ வீரனாக, வாழ்க்கையை சமாளிக்கும் மிகக் கடினமான கதாபாத்திரம். மனதளவிலான வலியையும், உடல் குறைபாட்டையும் ஒருசேர வெளிப்படுத்த வேண்டிய அந்தக் கதாபாத்திரம், எல்லா நடிகருக்கும் மிகப்பெரிய சவாலாக இருந்தது.
சினிமா உலகில், குறிப்பாக முன்னணி ஹீரோக்கள் தங்களின் ஹீரோ இமேஜ் காக்கும் விதத்தில் கதாபாத்திரங்களை தேர்வு செய்வது சாதாரணமான விஷயம்தான். ஆனால் இந்த கதாபாத்திரம் ஒரு வித்தியாசமான உடலமைப்பில் திரையில் தோன்ற வேண்டிய நிலையை உருவாக்கியது. அந்த மாதிரியான கதாபாத்திரம் அவர்கள் “மாஸ் ஹீரோ” படங்களுக்கு பாதிப்பை ஏற்படுத்தும் என எண்ணி, பலர் அதை நேரடியாக மறுத்துவிட்டனர்.
“ஐஸ்வர்யா ராய்க்கு ஜோடியா? தங்களால் நடிக்க முடியாது” என்றும் கூட சொல்லலாம். அழகிய ஹீரோயினுடன் ரொமான்ஸ் செய்யும் இடத்தில், ஒரு காலை இழந்த மனிதனாக நடிப்பது சிலருக்கு பிடிக்கவில்லை எனலாம்.
ஆனால், மம்முட்டி மட்டும் அந்த சவாலை ஏற்று தனது கம்பீரமான நடிப்பால், மேஜர் பாலாவின் உள்ளுணர்வையும் வேதனையையும் திரையில் அசாத்தியமாக வெளிப்படுத்தினார். இன்று வரை அந்த வேடம் மம்முட்டியின் சிறந்த பரிமாணங்களில் ஒன்று எனக் கருதப்படுகிறது.
இது சினிமாவுக்குள் உள்ள ஒரு முக்கிய உண்மையை வெளிப்படுத்துகிறது – சவால்களைத் தவிர்க்கும் ஹீரோக்கள் இருந்தாலும், அதை ஏற்றுக்கொண்டு கலைஞராக வாழும் சிலர் மட்டும் நிலைத்து நிற்பார்கள். “கண்டுகொண்டேன் கண்டுகொண்டேன்” படத்தில் மம்முட்டி நடிப்பு தான் இந்தப் படத்திற்கு தனித்துவத்தையும், ஆழத்தையும் கொடுத்தது என்றே கூறலாம்.