Ajith: தமிழ் சினிமாவில் தனது தனிச்சிறப்பான நடைமுறையால் ரசிகர்களை ஈர்த்தவர் அஜித். ஆனால் ஒரு வெற்றிப்படம், அவருக்கு எதிர்பாராத வகையில் கிடைத்தது தெரியுமா? அதுவும் ரஜினி, கமல் இருவரும் மறுத்த கதையென்றால் அதில் இருக்குமா சுவாரஸ்யம்.
‘அவ்வை ஷண்முகி’ பட வெற்றிக்குப் பிறகு, இயக்குநர் கே.எஸ். ரவிகுமார் ஒரு புது கதையை தயார் செய்தார். இந்த கதை, சிவாஜி கணேசனின் ‘தெய்வ மகன்’ போல உணர்ச்சி பூர்வமானதொரு குடும்ப கதையாம். இதை முதலில் கமலுக்கு சொல்லியிருக்கிறார்.
ஆனால் கமல், அந்த கதையை ஏற்க மறுத்துவிட்டு ‘தெனாலி’ படத்துக்கே செல்ல முடிவு செய்தார். ரவிகுமார், வழக்கம்போல் இதையே ரஜினிக்கும் சொல்லி இருக்கிறார். ரஜினிக்கும் இந்தக் கதை ரொம்பவே பிடித்திருக்கிறது.
ஆனால் ரஜினிகாந்த் அப்போது ‘சந்திரமுகி’ படத்துக்காக முன்கூட்டியே ஒப்பந்தமாகியிருந்தார். அதனால் இந்த படத்தில் நடிக்க முடியாமல் போனது ஒரு மாறுபட்ட வரலாறு. இதனால் ரவிகுமார் இறுதியாக அஜித்தை தேர்வு செய்கிறார்.
இந்தக் கதையே ‘அஜித்தின் வரலாறு’ படமாக உருவெடுத்து பெரிய வெற்றியை கண்டது. அஜித்தின் நடிப்பு அனைவரையும் வெகுவாக கவர்ந்தது. ரஜினி வரலாறு படம் பார்த்தபின், அஜித்-ஷாலினி இருவரையும் வீட்டுக்கு அழைத்து விருந்து வைத்ததாக சொல்லப்படுகிறது.
இந்த படம் கமல் அல்லது ரஜினி நடித்து இருந்தால் எப்படி இருந்திருக்கும் என யோசிக்கும்போது, அஜித்துக்கு கடவுளால் கொடுக்கப்பட்ட ஒரு பொக்கிஷம் போல தோன்றுகிறது. சில கதைகள், சிலருக்கே உரியது போல அமைந்து விடுகிறது.
