தனுஷின் பத்தாண்டு கால பவனி – ஒரு திறமையான நடிப்பாளரின் பயணம்.
2020க்கு பிறகு தனுஷ் தனது நடிப்பு திறமையை பலமடங்காக உயர்த்தியிருக்கிறார்.
மனதை கவரும் கதாபாத்திரங்கள், சவாலான சினிமாக்கள் அவரை இன்னும் நெருக்கமாக ரசிகர்களோடு சேர்த்துவைத்தன.
பல்வேறு மொழிகளில் தோன்றியதாலும், அவரின் சர்வதேச ரீச் அதிகரித்ததாலும், இவர் ஒரு பன்னாட்டு நட்சத்திரமாக மாறினார். ஒவ்வொரு கதாபாத்திரமும் தனக்கென்று தனித்துவம் கொண்டது.
இந்த தசாப்தத்தில் தனுஷின் பத்தாண்டு கால பவனி – ஒரு திறமையான நடிப்பாளரின் பயணம். அவர் நடித்து கலை ரசிகர்களின் கவனத்தை ஈர்த்த படங்களை பார்க்கலாம்.
2016- இல் வெளிவந்த ‘கொடி’ படத்தில், தனுஷ் ஒரு முழுமையான அரசியல்வாதியாக தன்னை மாற்றிக்கொண்டு, முந்தைய கதாபாத்திரங்களில் இருந்து முற்றிலும் வித்தியாசமான கோணத்தில் பிரசன்னமாக பிரதிபலித்தார். அதன்பின் வெளியான ‘தொடரி’ படத்தில், ரயில் பயணத்தின் பின்னணியில் நிகழும் சம்பவங்கள் மூலம், தனது இயல்பான நடிப்பால் நம் மனதை ஒவ்வொரு காட்சியிலும் வருடினார்.
2017-இல் வெளிவந்த ‘பவர் பாண்டி’ படத்தில் தனுஷ் நெஞ்சை உருக்கும் கதையை அழகாக உயிரூட்டி நடித்தார். இளைய தலைமுறையினர் மற்றும் மூத்தவர்கள் இடையிலான பாசப்பிணைப்பை உணர்வோடு வெளிப்படுத்தினார்.
2018-ல் ‘வடசென்னை’ படத்தில் தனுஷ் தனது நடிப்பின் உச்சக்கட்டத்தை வெளிப்படுத்தி ரசிகர்களை கவர்ந்தார். அதே ஆண்டில் வந்த மாரி 2 படமும் மாஸ் சென்ஸேஷனாக வெற்றி பெற்றது.
2019-ல் வெளிவந்த ‘அசுரன்’ இந்த படத்துக்கு சொல்ல வார்த்தையே இல்ல. தனுஷின் எதார்த்தமான, உடலை மனதைக் கடந்து செல்லும் நடிப்பு, ரசிகர்களை மிரள வைத்தது. இந்த படம், அவரின் நடிப்பு திறமையின் உச்சத்தை நிரூபித்தது.
2020-ல் வந்த ‘பட்டாஸ்’ இரட்டை கதாபாத்திரத்தில் தனுஷ் மிகுந்த வித்தியாசத்துடன் நடித்திருந்தார். ஒரு பக்கம் இளம் ஆற்றலுடன், மறுபக்கம் அனுபவசாலி போல் நடித்து, திரையில் வண்ணமாய் ஜொலித்தார்.
2021-ல் வரிசையாக வந்த ‘கர்ணன்’, ‘ஜகமே தந்திரம்’, ‘அட்ராங்கி ரே’ – மூன்றிலும் தனுஷின் பன்முக நடிப்பு வியப்பூட்டியது. குறிப்பாக ‘கர்ணன்’, சமூக கருத்துடன் கூடிய அவரது கதாபாத்திரம் ரசிகர்கள் மத்தியில் அதிகம் பேசப்பட்டது.
2022-ல் வந்த ‘திருச்சிற்றம்பலம்’ மற்றும் ‘நானே வருவேன்’ – இரண்டும் வித்தியாசமான சோதனைகள். ‘திருச்சிற்றம்பலம்’ படத்தில் மென்மையான, நம்மை நினைவுபடுத்தும் காதல்-குடும்பக் கதை, தனுஷின் சாதாரண மகனாகிய பிம்பத்தை நிறைவாகவே காட்டியது.
2023-ல் ‘வாத்தி’ படம் – தனுஷை ஒரு நல்ல ஆசிரியராக, வழிகாட்டியாக நமக்கு அறிமுகப்படுத்தியது. கல்வி முக்கியத்துவம் மற்றும் சமூக விழிப்புணர்வை கொண்டு, அவர் மீண்டும் தனக்கே உரிய பாணியில் அசத்தினார்.
2024-ல் வெளியான ‘கேப்டன் மில்லர்’ மற்றும் ‘ராயன்’ படங்கள், தனுஷின் நடிப்புக்கு ஒரு புதிய உயரத்தை கொண்டு வந்தது. ‘மில்லர்’ திரைப்படம் புரட்சிகர மாஸ் கதையிலும், ‘ராயன்’ அவர் உள் உணர்வுகளை பிரதிபலித்த கதாபாத்திரத்திலும் மின்னச் செய்தது. இவ்விரண்டும் சேர்ந்து அவரின் தேர்வும் திறமையும் தனித்’துவமாக ரசிகர்களை கவர்ந்தது.
2025-ல் வெளிவந்த ‘குபேரா’ ஒரு சமூக அரசியல் திரில்லராக ரசிகர்களை ஈர்த்தது, நாகர்ஜுனா மற்றும் ராஷ்மிகாவுடன் தனுஷ் முக்கிய கதாபாத்திரத்தில் நடித்தார். அதே ஆண்டில் தனுஷ் இயக்கிய ‘நிலவுக்கு என் மேல என்னடி கோபம்’ காதல் மற்றும் குடும்பத்தை மையமாக கொண்டு வந்த படம்.
தனுஷின் உச்சநிலை இன்னும் வரும் இந்த தசாப்தத்தில் தனுஷ் பல மறக்கமுடியாத கதாபாத்திரங்களை அளித்திருக்கிறார். அவரின் பலம், எந்த வகை கதாபாத்திரத்தையும் நம்ப வைக்கும் திறமை. இன்னும் நிறைய அற்புதமான படங்கள் வரப்போகின்றன என்பது உறுதி. தனுஷின் நடிப்பில் சிறந்தது எது என்றால், பதில் ஒன்று இல்லை – அவர் ஒவ்வொரு படத்திலும் சிறந்ததையே செய்துள்ளார்.
