மாயா, கேம் ஓவர் படங்களை இயக்கி கோலிவுட்டிலும் ஹாலிவுட் தரத்தில் ஹாரர் படங்களை கொடுக்க முடியும் என நிரூபித்த இயக்குநர் அஸ்வின் சரவணன் தற்போது லேடி சூப்பர் ஸ்டார் நயன்தாரா நடிப்பில் நேற்று ரிலீசான கனெக்ட் திரைப்படத்தில் உச்சகட்ட பயத்தை காட்டியிருக்கிறார்.
இதில் கொரோனா காலகட்டத்தில் தனது மகளுக்கு பிடித்த பேயை நயன்தாரா எப்படி ஓட்டுகிறார் என்பதை திகில் கலந்து பயமுறுத்தி இருக்கிறார். இப்படி கனெக்ட் படத்தில் பேய்களை மிரட்டிய நயன்தாரா படத்தில் மட்டுமல்ல சமீபத்தில் அளித்த பேட்டியில் நிஜத்திலும் ரசிகர்களை அலற விட்டிருக்கிறார்.
முதலில் பேய் என்றால் பயமே இல்லை என சொன்ன நயன்தாரா, அதன் பிறகு இரவில் லைட் இல்லாமல் தூங்க மாட்டேன் எனக் கூறி அவருக்கு இருக்கும் பேய் பயத்தை வெளிப்படுத்தினார். அதுமட்டுமின்றி எப்போதுமே விட்டத்தை பார்த்து படுக்கும் பழக்கமே கிடையாது.
ஏனென்றால் அப்படி படுத்தால் பேய்களுக்கு சாதகமாகிவிடும். அவர்கள் நேரடியாக தாக்குவது மட்டுமல்லாமல் அதுவே அவர்களுக்கு சாதகமாகி நம்மளை பயன்படுத்தி கொள்வார்கள் என்று இரட்டை அர்த்தத்துடன் பேசி கேட்போரை அதிர்ச்சி அடைய வைத்தார்.
ஆகையால் பெரும்பாலும் நயன்தாரா ஒரு சைடு சாய்ந்த படி தான் படுப்பாராம். இதற்கெல்லாம் காரணம் பேய் பயம் தான் என்றும் உடைத்துக் கூறியிருக்கிறார். இப்படி கனெக்ட் படத்தின் ப்ரோமோஷனுகாக அவர் கலந்து கொள்ளும் நிகழ்ச்சிகளில் கண்டபடி உளறிக் கொட்டிக் கொண்டிருக்கிறார்.
இதனால் படம் ப்ரொமோட் ஆகிறதோ இல்லையோ இணையத்தில் எங்கு பார்த்தாலும் நயன்தாரா அளித்த பேட்டியை குறித்த பேச்சாக தான் இருக்கிறது. இருப்பினும் ரசிகர்களிடம் சரியாக கனெக்ட் ஆகாத கனெக்ட் திரைப்படம் வெளியான ஒரு சில நாட்களிலேயே மந்தமான கலெக்சனை பெற்று வருகிறது.
