Bhakkiyalakshmi Serial: விஜய் டிவியில் ஒளிபரப்பாகி வருகின்ற பாக்கியலட்சுமி சீரியலில், பாக்யா மொத்த நம்பிக்கையும் பாசத்தையும் பிள்ளைகள் மீது வைத்து அவர்களுக்காகவே வாழ்ந்து வருகிறார். ஆனால் என்னதான் பாக்யா உண்மையான அன்பையும் அக்கறையும் காட்டினாலும் காசு பணம் யாரிடம் இருக்கிறதோ அவர்களுக்கு தான் தற்போது வாழ்வு என்பதற்கேற்ப கோபி ஒவ்வொரு விஷயங்களும் ஜெயித்து கொண்டே வருகிறார்.
அதாவது இனியாவை டான்ஸ் கிளாஸில் சேர்க்க முடியாததால் கோபி அதற்கான பணத்தை கட்டி டான்ஸில் ஆட வைத்தார். உடனே இனியாவும், எனக்கு கிடைத்த அப்பா போல் இந்த உலகத்திலேயே யாரும் இல்லை என்று பெருமைப்படும் அளவிற்கு பூரித்து போய்விட்டார். ஆனால் கோபி, இப்படி எல்லாம் செய்வதற்கு பின்னணியில் பாக்யாவை பழி வாங்க வேண்டும். பிள்ளைகள் வெறுக்கும்படி செய்ய வேண்டும் என்பதற்காகத்தான்.
ஆனால் அதை கூட புரிந்து கொள்ளாத இனியா, காசுக்காக கட்சி மாறிவிட்டார். அதாவது இனியா காலேஜில் நடந்த டான்ஸ் நிகழ்ச்சியில் இனியா வெற்றி பெற்று விட்டார். உடனே இனியா மேடையில் இருந்து கீழே இறங்கி கோபியை அழைத்து போக வருகிறார். இது தெரியாத பாக்யா தன்னை தான் கூப்பிட வருகிறார் என்று பாசத்துடன் எழுந்து வருகிறார்.
ஆனால் இனியா, பாக்கியாவை பற்றி கொஞ்சம் கூட யோசிக்காமல் உதாசீனப்படுத்திவிட்டு கோபியை மேடைக்கு கூட்டிட்டு போயி என்னுடைய வெற்றிக்கு என் அப்பா தான் காரணம் என்று சொல்லி அனைவரது முன்னாடியும் பெருமையாக பேசுகிறார். இதை கேட்டதும் பாக்கியா மனசு அப்படியே சுக்கு நூறாக நொறுங்கி போய்விட்டது. இருந்தாலும் அதையும் வெளி காட்டாமல் சிரித்த முகத்துடன் அங்கிருந்து கிளம்புகிறார்.
இதுதான் சான்ஸ் என்று கோபியும் பாக்யாவை பார்த்து நக்கலாக சிரித்து மேடைக்கு ஏறுகிறார். நமக்காகவும் நம் குடும்பத்திற்காகவும் அம்மா என்ன கஷ்டங்கள் பட்டிருக்கிறார் என்பதை கொஞ்சம் கூட யோசிக்காமல் தற்போது தனக்கு பணம் கொடுத்து உதவிய ஒரு காரணத்திற்காக கோபி பெருசாக போய்விட்டார். இந்த சுயநலமாக இருக்கும் உலகத்தில் பிள்ளைகளும் அப்படித்தான் மாறுவார்கள் என்பதை நிரூபிக்கும் வகையில் கோபி வாரிசு இனியா நிரூபித்துக் காட்டி விட்டார்.
ஈஸ்வரி சொன்ன மாதிரி யாரையும் நம்பி நீ உன்னுடைய வாழ்க்கையை தொலைத்து விடாதே, உனக்கென வாழ்க்கையே வாழப் பழகிக்கோ என்று சொல்லி இருந்தார். அது 100% தற்போது உண்மை என்பதற்கு ஏற்ப பாக்யாவின் நிலைமை கொஞ்சம் கொஞ்சமாக மோசமாகி வருகிறது. ஏனென்றால் பாக்கியா ஒரு இக்கட்டான சூழ்நிலையில் இருக்கும் பொழுது செழியன் கையில் பணத்தை வைத்துக்கொண்டும் உதவ மனமில்லாமல் போய்விட்டார்.
தற்போது எழிலுடைய நிலைமையும் எந்த மாதிரி மாறப் போகிறது என்பது தெரியவில்லை. ஆனாலும் பாக்கியா எதைப்பற்றியும் யோசிக்காமல் தன்னுடைய சொந்தக்காலில் நின்னு ஜெயிக்க வேண்டும் என்பதை மட்டும் குறிக்கோளாக வைத்து தொடர்ந்து வெற்றியை தக்க வைப்பதற்கு போராட போகிறார்.