Vijay TV: நமக்கு பிடித்த செலிபிரிட்டிகளின் வெற்றியை நம்முடைய சொந்த வெற்றியாகவே கொண்டாடுவோம். ஆனால் தமிழகமே கொண்டாடும் செலிபிரடிகளின் தோல்வியை இணையவாசிகள் கொண்டாடி வருகிறார்கள்.
தமிழகமே கொண்டாடும் செலிபிரிட்டிகள் தோல்வி அடைந்ததை இணையவாசிகள் கொண்டாட காரணம் விஜய் டிவி தான்.
விஜய் டிவியில் இருந்து தங்களுடைய வளர்ச்சியை ஆரம்பித்து இப்போது சினிமாவில் பெரிய ஜாம்பவான்களாக இருப்பவர்கள் சிவகார்த்திகேயன் மற்றும் சந்தானம்.
விஜய் டிவியின் ராசி அப்படி!
இவர்களைத் தாண்டி விஜய் டிவியின் பிரபலமான ப்ராடக்டுகள் என்ன ஆனார்கள் என தேடியது உண்டா.
மக்களால் ஒரு செலிபிரிட்டி அதிகம் ரசிக்கப்படுகிறார் என்றால் அவர்களுக்கு அந்த சேனலை சூனியம் வைத்து விடும்.
காலை 7 மணியிலிருந்து ஆரம்பித்து இரவு 11 மணி வரை அந்த செலிபிரிட்டியை எல்லா நிகழ்ச்சியிலும் வர வைப்பார்கள். தொடர்ந்து அவர்களுடைய முகங்களை பார்க்கும் நமக்கு சலித்து போய்விடும்.
விஜய் டிவியில் தங்களுடைய பயணத்தை தொடங்க இருந்தவர்கள் தான் நடிகர் மணிகண்டன் மற்றும் பரிதாபங்கள் சேனல் கோபி மற்றும் சுதாகர்.
கலக்கப்போவது யாரு நிகழ்ச்சியில் இவர்கள் கலந்து கொண்டார்கள். ஆனால் ஒரு சில சுற்றுகளில் முடிவில் இவர்கள் போட்டியிலிருந்து வெளியேற்றப்பட்டு இருக்கிறார்கள்.
தற்போது நடிகர் மணிகண்டன் ஆக இருக்கட்டும், கோபி சுதாகர் ஆக இருக்கட்டும் தமிழக மக்களால் தலையில் தூக்கி வைத்து கொண்டாடப்பட்டு கொண்டிருக்கிறார்கள்.
இவர்கள் கலந்து கொண்ட சீசனில் டைட்டில் வின்னரானவர்கள் இன்னும் விஜய் டிவியில் தான் இருக்கிறார்கள்.
இதனால்தான் தற்போது மணிகண்டன் மற்றும் கோபி சுதாகரின் கலக்கப்போவது யாரு தோல்வியை இணையவாசிகள் கொண்டாடி வருகிறார்கள்.