Vijay : விஜய்யின் திரைப்பயணத்தில் கடைசி படம் தான் ஜனநாயகன். நாளைய தீர்ப்பு படத்தின் மூலம் கதாநாயகனாக தொடங்கிய விஜய்யின் திரைப்பயணம் ஜனநாயகனுடன் முடிவு பெறுவது பலரையும் கவலையில் ஆழ்த்தி இருக்கிறது.
ஆனாலும் மக்களுக்காக அரசியலுக்கு வருவதால் தனது சினிமா துறையை முழுவதுமாக விட்டுவிட்டு விஜய் களத்தில் குதிக்க உள்ளார். இந்த சூழலில் விஜய்யின் ஜனநாயகன் படத்தில் பூஜா ஹெடக்டே, மமிதா பைஜு போன்றோர் நடிக்கின்றனர்.
இந்த சூழலில் சமீபத்தில் மதுரையில் ஜனநாயகன் படப்பிடிப்பு நடந்த நிலையில் அதன் பிறகு கொடைக்கானலில் நடத்தப்பட்டது. மேலும் அடுத்த வருடம் 2026 ஆம் ஆண்டு ஜனவரி மாதம் ஒன்பதாம் தேதி பொங்கல் விடுமுறையை முன்னிட்டு ஜனநாயகன் படம் வெளியாக உள்ளது.
ஜனநாயகன் டீசர் எப்போது.?
முழுக்க முழுக்க அரசியல் சார்ந்த படமாக ஜனநாயகன் படத்தை செதுக்கி வருகிறார் வினோத். இப்போது இந்த படத்தைப் பற்றிய தரமான அப்டேட் ஒன்று வெளியாகி இருக்கிறது. அதாவது விஜய்யின் பிறந்த நாளான ஜூன் 22ஆம் தேதி ஜனநாயகன் டீசர் வெளியாக இருக்கிறது.
இந்த படத்தின் போஸ்டர் அண்மையில் வெளியாகி ரசிகர்களின் கவனத்தை பெற்றிருந்தது. இப்போது டீசர் வெளியாவது ரசிகர்களுக்கு மிகுந்த மகிழ்ச்சியை ஏற்படுத்தி இருக்கிறது. மேலும் படத்தின் டீசரை வைத்தே எந்த மாதிரியான கதைகளம் என்பதை கணித்து விடலாம்.
அதற்காகத் தான் விஜய் ரசிகர்கள் ஆர்வமாக காத்திருக்கிறார்கள். மேலும் அடுத்த ஆண்டு விஜய்யின் கடைசி படம் மட்டுமல்லாமல், அரசியலில் முதல் தேர்தலை கட்சியின் தலைவராக சந்திக்க இருக்கிறார். இரண்டிலும் வெற்றி பெறுவாரா என்பதை பொறுத்திருந்து பார்க்கலாம்.
