கோலிவுட் நடிகர் வினய் ராயும், தெலுங்கு, மலையாளம், தமிழ் படங்களில் நடித்து பிரபலமான நடிகை விமலா ராமனும் விரைவில் திருமணம் செய்துகொள்ள உள்ளதாக தகவல்கள் தெரிவிக்கின்றன. வினய் மற்றும் விமலா இருவரும் கடந்த சில ஆண்டுகளாக காதலித்து வருகின்றனர்.
பல நேரங்களில் இருவரும் இணைந்து காணப்பட்டனர். அவர்கள் தனிப்பட்ட விடுமுறையில் மாலத்தீவிற்குச் சென்றுள்ளனர், மேலும் அவர்கள் தங்கள் சமூக ஊடகங்களில் புகைப்படங்களை வெளியிடுவதில் இருந்து ஒருபோதும் பின்வாங்கவில்லை. வினய் மற்றும் விமலா திருமணம் குறித்து விரைவில் அறிவிப்பார்கள் என தகவல்கள் தெரிவிக்கின்றன.
2007 இல் வெளியான இயக்குனர் ஜீவாவின் உன்னாலே உன்னாலே படத்தில் வினய் அறிமுகமானார். வினய்யுடன் சதா மற்றும் தனிஷா முகர்ஜி இப்படத்தில் நடித்து இருந்தனர்.
வினய் ராய் கடைசியாக சூர்யா நடித்த எதிர்க்கும் துணிந்தவன் படத்தில் நடித்தார். இப்படம் 10 மார்ச் 2022 அன்று வெளியானது. உன்னாலே உன்னாலே, என்றென்றும் புன்னகை, அரண்மனை, துப்பறிவாளன் மற்றும் டாக்டர் ஆகிய படங்களில் நடித்ததற்காக வினய் மிகவும் பிரபலமானவர்.
2017 ஆம் ஆண்டில், மிஷ்கின் இயக்கிய துப்பறிவாளன் என்ற க்ரைம் திரில்லரில் வினய் எதிர்மறையான கேரக்டரில் நடித்தார். துப்பறிவாளனில் வினய்யின் பாத்திரத்தை விமர்சகர்கள் பாராட்டினர். 2006 ஆம் ஆண்டு வெளியான பொய் என்ற தமிழ் திரைப்படத்தின் மூலம் விமலா அறிமுகமானார், ஆஸ்திரேலியாவைச் சேர்ந்த ராமன் பரதநாட்டிய நடனக் கலைஞராகவும் திகழ்கிறார்.
2004 இல் மிஸ் இந்தியா ஆஸ்திரேலியா பட்டத்தையும் வென்றார். விமலா ராமன் அடுத்ததாக தமிழ் திகில் படமான கிராண்ட் மா என்னும் படத்தில் நடிக்கிறார். இப்படத்தை ஷிஜின்லால் எஸ்.எஸ். இயக்க விமலா ராமனுடன் சோனியா அகர்வால் முக்கிய கதாபாத்திரத்தில் நடித்துள்ளார்.