திமுக பயந்து நடுங்குகிறதா.? தமிழக வெற்றிக் கழகத்தின் மீது வழக்கு, விழி பிதுங்கும் விஜய்
தமிழக அரசியல் வட்டாரத்தில் தற்போது பேசப்படும் முக்கியமான விஷயம், தமிழக வெற்றிக் கழகத்தின் பொதுச் செயலாளர் திரு.என்.ஆனந்த் மற்றும் கழகத் தோழர்கள் மீது பதிவு செய்யப்பட்ட வழக்கு தான்.
மக்களின் ஆதரவு - அரசுக்கு அச்சமா?
வெற்றிக் கழகத்தின் பக்கம் மக்கள் ஆதரவு நாளுக்கு நாள் அதிகரித்து வருவதை பொறுத்துக் கொள்ள முடியாமல், தற்போதைய ஆளும் கட்சி பழிவாங்கும் நடவடிக்கைகள் எடுத்து வருகிறது என அந்தக் கழகம் குற்றஞ்சாட்டியுள்ளது. மக்களிடம் செல்வாக்கை இழந்த அரசு, எங்களை கண்டு பயப்படுவது மீண்டும் நிரூபணம் என்று TVK கட்சி வட்டாரங்கள் கூறுகின்றன.
தேர்தல் பிரசாரப் பயணமே குறி
தேர்தல் பிரசாரம் என்பது அனைத்து கட்சிகளும் மேற்கொள்ளும் ஜனநாயக உரிமை. ஆனால் வெற்றிக் கழகம் மேற்கொண்ட மக்கள் நலனுக்கான பிரசாரப் பயணம் மீது மட்டும் காவல் துறையின் நடவடிக்கை, “அரசு பயத்தில் நடுங்குகிறது” என்பதை காட்டுகிறது எனவும் கருத்து வெளியாகியுள்ளது.
தோல்வி பயத்தில் தூக்கம் கலைந்த அரசு
வெற்றிக் கழகத்தின் அறிக்கையில், “தோல்வி பயத்தால் அரசு தலைவர்கள் தங்களின் தூக்கத்தை இழந்து, காவல் துறைக்கு அழுத்தம் கொடுத்து நம் செயல்பாடுகளை முடக்க முயல்கின்றனர்” என கடுமையாக குற்றம் சாட்டப்பட்டுள்ளது.
திருச்சியில் பதிவு செய்யப்பட்ட வழக்கு
இந்நிலையில், திருச்சியில் வெற்றிக் கழக பொதுச் செயலாளர் திரு.என்.ஆனந்த் மற்றும் பலர் மீது வழக்கு பதிவு செய்யப்பட்டிருப்பது அரசியல் சூழலை இன்னும் சூடாக்கியுள்ளது. இதனை வெற்றிக் கழகம் பழிவாங்கும் நடவடிக்கை எனக் கண்டித்து, உடனடியாக வழக்கைத் திரும்பப் பெற வேண்டும் என வலியுறுத்தியுள்ளது.
அரசியல் பரபரப்பு தொடரும்!
இச்சம்பவம் தேர்தல் சூழலில் புதிய அரசியல் விவாதத்தை கிளப்பியுள்ளது. மக்கள் ஆதரவை அடைய முடியாததால் தான் இத்தகைய நடவடிக்கைகள் எடுக்கப்படுகின்றன எனவும், இது அடுத்தடுத்த தேர்தல்களில் முக்கிய தாக்கத்தை ஏற்படுத்தக்கூடும் எனவும் அரசியல் விமர்சகர்கள் கருத்து தெரிவிக்கின்றனர்.
இப்படி மாவட்ட வாரியாக விஜய்க்கு குடைச்சல் கொடுப்பதாக பல சர்ச்சையான விவாதங்கள் சமூக வலைத்தளங்களில் வந்து கொண்டுதான் இருக்கிறது. TVK இவர்களை எதிர்த்து எப்படி அரசியல் செய்யப் போகிறார்? அடுத்த மாநாடு எப்படி நடக்கப் போவது? மாவட்ட வாரியாக மக்களை சந்திப்பாரா? என்று பலகேள்விகளை மக்கள் கேட்டு வருகின்றனர்.
