2002-ஆம் ஆண்டு வெளியான ‘பாபா’ படம் மீது மிகப்பெரிய எதிர்பார்ப்பு நிலவியது. ஆனால், அப்படம் வெளியானபோது பாட்டாளி மக்கள் கட்சி எழுப்பிய எதிர்ப்புகள் மற்றும் படம் எதிர்பார்த்த வெற்றியைப் பெறாதது ஆகியவை ரஜினிகாந்தின் அரசியல் வருகைக்கு மிகப்பெரிய தடைகளாக அமைந்தன. ‘பாபா’ படத்தின் சறுக்கல், ரஜினியை மீண்டும் தனது அரசியல் முடிவை மறுபரிசீலனை செய்ய வைத்தது.
‘பாபா’வின் சறுக்கலைத் தொடர்ந்து, 2003-ல் வெளியான விஜய்யின் ‘திருமலை’ வெற்றியைப் பெற்றது. அப்படத்தின் வெற்றிக்கு பிறகு, தமிழ்ச் சினிமாவின் முன்னணி இடத்தை நோக்கி நகர்ந்த விஜய், அடுத்த சூப்பர் ஸ்டாராக உருவாகி வருகிறார் என்ற பேச்சுக்கள் எழத் தொடங்கின.
2005 தமிழ் புத்தாண்டில் ரஜினியின் ‘சந்திரமுகி’ மற்றும் விஜய்யின் ‘சச்சின்’ ஆகிய படங்கள் ஒரே நேரத்தில் மோதின. இதில் ‘சந்திரமுகி’ மாபெரும் வரலாற்று சாதனையைப் படைத்து ரஜினியின் பேரரசைக் மீண்டும் நிலைநிறுத்தியது. இதன் தொடர்ச்சியாக நடைபெற்ற ‘சந்திரமுகி’ இசை வெளியீட்டு விழாவில், ரஜினி ஒரு குட்டி கதையைக் கூறி மேடையில் தனது ஆதிக்கத்தை மீண்டும் உறுதிப்படுத்தினார்.
காலப்போக்கில் இருவரும் தமிழ் சினிமாவின் இரு துருவங்களாக உருவெடுத்தனர். ஒரு கட்டத்தில் ரஜினியை விட விஜய் அதிக சம்பளம் வாங்கும் நடிகராக உருவெடுத்தார் என்ற செய்திகள் வெளியாகின. இதனால் ரசிகர்கள் மத்தியில் “யாருடைய படம் அதிக வசூல் செய்கிறது, யாருக்கு அதிக சம்பளம்?” என்ற மோதல்களும் சமூக வலைதளங்களில் மிக தீவிரமாக வெடித்தன.
விஜய்யின் சம்பளம் உயர்ந்து கொண்டே சென்றாலும், ரஜினியின் படங்கள் உலகம் முழுவதும் படைக்கும் மாபெரும் வசூல் சாதனைகளை முறியடிப்பது எளிதானதாக இல்லை. சம்பளத்தில் விஜய் முன்னணி வகித்தாலும், பாக்ஸ் ஆபீஸ் வசூல் மற்றும் உலகளாவிய வரவேற்பில் ரஜினியின் படங்கள் படைக்கும் சாதனைகள் பெரிதாக அமைந்தன.
சினிமாவில் முன்னணி நடிகராக இருந்த விஜய், ‘தமிழக வெற்றிக் கழகம்’ என்ற கட்சியைத் தொடங்கி முழு நேர அரசியலில் களமிறங்கினார். ரஜினியால் எட்ட முடியாமல் போன அரசியல் கனவை விஜய் துணிச்சலுடன் கையில் எடுத்தார் வென்றார். ஆனால் பாக்ஸ் ஆபீஸ் சாதனைகள் மற்றும் சினிமா ஆதிக்கத்தில் ரஜினியின் சாதனைகளை முழுமையாக முறியடிக்க முடியவில்லையே என்ற வருத்தம் விஜய்க்கு இன்றும் உண்டு.
