ஆளும் கட்சி அமைச்சரின் வாழ்க்கை வரலாறா.? ரவி மோகனின் கராத்தே பாபு டீசர் கொடுத்த ஹிண்ட்

Ravi Mohan-Karathey Babu: நேற்று ரவி மோகன் நடிக்கும் இரண்டு படங்களின் டைட்டில் டீசர் வெளியானது. அதில் சிவகார்த்திகேயனுடன் அவர் நடிக்கும் பராசக்தி டீசர் வேற லெவலில் இருந்தது.

அதில் ரவி வில்லன் லுக்கில் இருந்ததும் ரசிகர்களை கவர்ந்துள்ளது. ஆனால் அதை தூக்கி சாப்பிடும் வகையில் அவருடைய கராத்தே பாபு டைட்டில் டீசர் வரவேற்பு பெற்று வருகிறது.

முதல் முறையாக அரசியல் கதையில் நடிக்கும் ரவிக்கு நாலா பக்கம் இருந்தும் பாராட்டுக்கள் வந்து கொண்டிருக்கிறது. இதற்கு முக்கிய காரணம் டீசரில் அனல் பறந்த வசனங்கள் தான்.

ஆர் கே நகர் சட்டமன்ற உறுப்பினராக வரும் சண்முக பாபுவுக்கு மக்கள் கொடுத்த பெயர் கராத்தே பாபு என டீசரில் காட்டப்பட்டிருந்தது.

அதேபோல் முதல்வராக வரும் நாசர் தமிழ்நாடு தமிழகமாக மாறாமல் இருக்க பாதுகாக்கவும் ஒரு காரணம் இருக்கிறது என்று சொல்வார்.

ரவி மோகனின் கராத்தே பாபு டீசர் கொடுத்த ஹிண்ட்

இப்படியாக டீசர் கவனம் பெற்றதோடு சில ஹிண்ட் கொடுத்திருக்கிறது. அதாவது இப்படம் அமைச்சர் சேகர் பாபுவின் வாழ்க்கை வரலாறு என்பது தெரிய வந்துள்ளது.

அதிமுகவில் தன் அரசியல் வாழ்க்கையை தொடங்கிய இவர் ஆர் கே நகரில் போட்டியிட்டு இரண்டு முறை சட்டமன்ற உறுப்பினராக இருந்திருக்கிறார்.

அதன் பிறகு திமுகவில் இணைந்த அவர் அதே ஆர் கே நகர் தொகுதியில் போட்டியிட்டு தோல்வி பெற்றார். அதன் பிறகு துறைமுகம் தொகுதியில் போட்டியிட்டு இருமுறை வெற்றி பெற்றுள்ளார்.

தற்போது இந்து அறநிலையத்துறை அமைச்சராக உள்ளார். அவரின் இத்தனை வருட அரசியல் வாழ்க்கையில் ஏகப்பட்ட விமர்சனங்கள் இருக்கிறது.

சமீபத்தில் கூட விஜய் குறித்து அவர் கூறியதாக இருக்கட்டும் திருச்செந்தூர் கோவிலில் நெரிசலில் அவதிப்பட்ட மக்கள் பற்றி கருத்து கூறியதாக இருக்கட்டும் எல்லாமே சர்ச்சை தான்.

அது பற்றிய கதையாக தான் கராத்தே பாபு இருக்கும் என கூறப்படுகிறது. அதிலும் ஆர் கே நகர் தேர்தலை மையப்படுத்தி தான் முழு கதையும் நகரும் என தெரிகிறது.

இதில் ரவியின் நடிப்பு எப்படி இருக்கும் என்ற ஆவலும் இருக்கிறது. அதேபோல் இந்த படம் நிச்சயம் அவருக்கான மிகப்பெரும் வெற்றியாக அமையும் என்பது டீசரிலேயே தெரிகிறது.