தமிழ் சினிமாவில் விஜய், அஜித்துக்கு அடுத்தப்படியாக அதிக ரசிகர்களை வைத்துள்ளவர் நடிகர் சூர்யா. சமீபகாலமாக இவர் நடிப்பில் வெளியான சூரரைப்போற்று, ஜெய்பீம் படங்கள் மக்கள் மத்தியில் நல்ல வரவேற்பு பெற்றது. ஜெய் பீம் படம் ஆஸ்கர் வரை சென்றதால் உலக அளவில் புகழ் பெற்றார் சூர்யா.
தற்போது பாண்டிராஜ் இயக்கத்தில் சன் பிக்சர்ஸ் தயாரிப்பில் எதற்கும் துணிந்தவன் படத்தில் சூர்யா நடித்து வருகிறார். இந்நிலையில் சூர்யா 2022 முதல் 2024 வரை எட்டு படங்களில் கமிட் ஆகியுள்ளார். கிட்டத்தட்ட 20 வருடங்களுக்குப் பிறகு பாலாவின் இயக்கத்தில் சூர்யா நடிக்க உள்ளார். இப்படத்தில் சூர்யாவின் 2டி என்டர்டெய்ன்மென்ட் நிறுவனம் தயாரிக்கவுள்ளது.
இதைத் தொடர்ந்து இயக்குனர் வெற்றிமாறனின் வாடிவாசல் படத்தில் சூர்யா நடிக்கிறார். இப்படத்தை கலைப்புலி எஸ் தாணுவின் வி கிரியேஷன்ஸ் தயாரிக்கிறது. இப்படம் தமிழ் எழுத்தாளர் சிஎஸ் செல்லப்பாவின் நாவலை அடிப்படையாகக் கொண்டது.
அதன் பிறகு சூர்யா, சிறுத்தை சிவா இயக்கத்தில் நடிக்க உள்ளார். இப்படத்தின் படப்பிடிப்பு விரைவில் தொடங்கும் என எதிர்பார்க்கலாம். இதைத் தொடர்ந்து ரெயின் ஆன் பிலிம்ஸ் தயாரிப்பின் முதல் படத்தை லோகேஷ் கனகராஜ் இயக்க உள்ளார். இப்படத்தில் சூர்யா முக்கிய கதாபாத்திரத்தில் மிரட்ட உள்ளாராம்.
இதற்கு அடுத்தபடியாக சிவகார்த்திகேயன் நடிப்பில் உருவாகிவரும் அயலான் படத்தை இயக்கி வரும் இயக்குனர் ரவிக்குமாரின் அடுத்த படத்தில் சூர்யா நடிக்க உள்ளார். சூர்யாவுக்கு சூரரைப்போற்று போன்ற மிகப்பெரிய வெற்றி படத்தை கொடுத்த சுதா கொங்கரா இயக்கத்தில் மீண்டும் சூர்யா ஒரு கேங்ஸ்டர் படத்தில் நடிக்க உள்ளார்.
சூர்யாவின் காக்க காக்க, வாரணம் ஆயிரம் போன்ற மறக்க முடியாத படங்களை கொடுத்த கௌதம் வாசுதேவ் மேனன் மீண்டும் சூர்யாவின் படத்தை இயக்க உள்ளார். இதைத்தொடர்ந்து விக்ரம் குமார் இயக்கத்தில் சூர்யா நடிப்பில் வெளியான 24 படத்தின் இரண்டாம் பாகத்திலும் சூர்யா நடிக்க உள்ளார். இவ்வாறு இரண்டு வருடங்களுக்கு பல படங்களில் பிஸியாக உள்ளார் சூர்யா.