Vijay Tv Serial Trp Rating List: சன் டிவிக்கு அடுத்தபடியாக சீரியலில் மக்கள் மனதை கவர்ந்தது விஜய் டிவி தான். அந்த வகையில் சன் டிவிக்கு டப் கொடுக்கும் வகையில் எக்கச்சக்கமான சீரியல்களை ஒளிபரப்பு செய்து வருகிறார்கள். இருந்தாலும் ஒவ்வொரு வாரமும் டிஆர்பி ரேட்டிங்கில் கொஞ்சம் சரிவை சந்தித்து வருகிறது. ஆனால் அதெல்லாம் சரி செய்யும் விதமாக தற்போது ஒரு படி விஜய் டிவி சீரியல்கள் முன்னேறி இருக்கிறது.
அதாவது கடந்த பல மாதங்களாக விஜய் டிவியில் அதிக புள்ளிகளை பெற்று சன் டிவி சீரியல்கிட்ட நெருங்கியது சிறகடிக்கும் ஆசை சீரியல் தான். அந்த வகையில் முத்து, ரோகிணியின் திட்டங்களை கொஞ்சம் கொஞ்சமாக கண்டுபிடித்து வரும் சமயத்தில் மக்கள் ஆவலாக ரோகிணி மாட்டுவதை பார்ப்பதற்கு காத்துக் கொண்டிருக்கிறார்கள். அதனால் இந்த வாரம் விஜய் டிவியில் 8.57 புள்ளிகளை பெற்று முதலிடத்தில் இருக்கிறது. இதனை தொடர்ந்து இனி ரோகிணி ஆட்டத்தை கண்டுபிடிக்க முத்து தரமான சம்பவத்தை செய்யப் போகிறார்.
இதனை தொடர்ந்து பாக்கியலட்சுமி சீரியலில் கதை சொல்லும் படியாக இல்லை என்றாலும் அதில் நடிக்கும் ஆர்டிஸ்டிகளின் நடிப்பை தொடர்ந்து பார்த்துக்கொண்டு வருகிறார்கள். அதிலும் பாக்கியலட்சுமி சீரியல் தற்போது முடியும் தருவாயில் இருப்பதால் கதை எந்த மாதிரியான கிளைமாக்ஸ் கொண்டு போகிறது என்பதை பார்ப்பதற்கு ஆவலாக இருக்கிறார்கள். முக்கியமாக ராதிகா கோபியை வேண்டாம் என்று வீட்டை விட்டு கிளம்பிய நிலையில் அடுத்து பாக்யாவின் முடிவு என்னவாக இருக்கும். கோபி என்ன செய்யப் போகிறார் என்பது கேள்விக்குறியாக இருக்கிறது. அந்த வகையில் இந்த வாரம் 7.00 புள்ளிகளை பெற்று இரண்டாவது இடத்தில் இருக்கிறது.
அடுத்ததாக கூட்டுக் குடும்பம் என்றால் பிள்ளைகள் சரியாக வளர்க்கப்படுபவர்கள் என்ற நினைப்பில் பாண்டியன் ஸ்டோர்ஸ் 2 சீரியல் மக்களிடத்தில் வெற்றி பெற்று வருகிறது. இதில் மக்களுக்கு மிகவும் பிடித்த ஜோடிகளாக ராஜி மற்றும் கதிர் ரசிகர்களை கவர்ந்து விட்டார்கள். அத்துடன் ரசிகர்களின் வேண்டுகோளுக்கு ஏற்ப ராஜி மற்றும் கதிருக்கு அதிக முக்கியத்துவம் கொடுத்து இனி வரப்போகும் வாரங்களில் அவர்கள் சென்னையில் இருப்பதை தான் அதிகமாக காட்டப் போகிறார்கள். அந்த வகையில் இந்த வாரம் 6.93 புள்ளிகளை பெற்று மூன்றாவது இடத்தில் இருக்கிறது.
இதனை தொடர்ந்து ஆகா கல்யாணம் 5.65 புள்ளிகளை பெற்று நான்காவது இடத்திலும், சின்ன மருமகள் சீரியல் 5.54 புள்ளிகளை பெற்று ஐந்தாவது இடத்திலும் இருக்கிறது. அடுத்ததாக மகாநதி சீரியல் மக்களின் பேவரிட் சீரியலாக கொண்டாடப்பட்டு வருகிறது. ஆனால் தற்போது விஜய் மற்றும் காவிரிக்கு இடையில் விரிசல் ஏற்பட்டு விட்டது. இதனால் இவர்கள் மீண்டும் எப்படி ஒன்று சேர போகிறார்கள் என்பது விறுவிறுப்பாக போகிறது. அந்த வகையில் இந்த வாரம் 4.17 புள்ளிகளை பெற்று ஆறாவது இடத்தில் இருக்கிறது.