சின்னத்திரை ரசிகர்களின் நாடிதுடிப்பை தீர்மானிப்பது டிஆர்பி (TRP) ரேட்டிங் தான். ஒரு சீரியல் எவ்வளவு காலம் நீடிக்கும், அதன் கதைக்களம் மக்களிடம் எந்த அளவுக்கு ரீச் ஆகியிருக்கிறது என்பதை இந்த எண்கள் தான் முடிவு செய்கின்றன. அந்த வகையில், 2026-ம் ஆண்டின் மூன்றாவது வாரத்திற்கான டாப் 5 தமிழ் சீரியல்கள் பட்டியல் தற்போது வெளியாகி, இணையதளங்களில் பேசுபொருளாகியுள்ளது. இந்த வாரம் பல எதிர்பாராத மாற்றங்கள் நிகழ்ந்துள்ளன.
எப்போதும் போல இந்த வாரமும் சன் டிவி தனது ஆதிக்கத்தை நிலைநாட்டியுள்ளது. குறிப்பாக, சன் டிவியின் ‘சிங்கப்பெண்ணே’ மற்றும் ‘மூன்று முடிச்சு’ ஆகிய மெகா ஹிட் சீரியல்கள் இணைந்து ‘மகா சங்கமமாக’ ஒளிபரப்பாகி வருகின்றன. இரண்டு பெரும் ரசிகர் பட்டாளத்தை கொண்ட கதைகள் இணைந்ததால், இதற்கு வேறலெவல் வரவேற்பு கிடைத்துள்ளது. இந்த வாரம் 9.93 புள்ளிகளுடன் இந்த மகா சங்கமம் ஒட்டுமொத்த தமிழ் சீரியல் உலகிலேயே முதலிடத்தைப் பிடித்து அசத்தியுள்ளது. கதையில் ஏற்பட்டுள்ள விறுவிறுப்பான திருப்பங்கள் இந்த வெற்றிக்கு முக்கிய காரணமாக பார்க்கப்படுகிறது.
இந்த பட்டியலில் இரண்டாம் இடத்தை 8.92 புள்ளிகளுடன் ‘கயல்’ சீரியல் தக்கவைத்துக் கொண்டுள்ளது. கடந்த சில வாரங்களாகவே கயல் தொடர் தனது விறுவிறுப்பை குறையாமல் பார்த்துக்கொள்வது அதன் பலமாக உள்ளது. இதனைத் தொடர்ந்து மூன்றாம் இடத்தில் சன் டிவியின் மற்றுமொரு பிரைம் டைம் தொடரான ‘மருமகள்’ உள்ளது. இந்த தொடருக்கு 8.60 புள்ளிகள் கிடைத்துள்ளன. இதன் மூலம் முதல் மூன்று இடங்களையும் சன் டிவியே ஆக்கிரமித்து மற்ற சேனல்களுக்கு பெரும் சவாலை கொடுத்துள்ளது.
இந்த வார டிஆர்பி ரேட்டிங்கில் மிகப்பெரிய சர்ப்ரைஸ் எதுவென்றால், அது விஜய் டிவியின் ‘அய்யனார் துணை’ சீரியல் தான். கடந்த வாரம் 8-வது இடத்தில் பின்தங்கியிருந்த இந்தத் தொடர், இந்த வாரம் அசுர வேகத்தில் முன்னேறி 8.05 புள்ளிகளுடன் 4-வது இடத்தைப் பிடித்துள்ளது. கிராமத்து பின்னணியில் உருவாகியுள்ள இந்த தொடரின் சமீபத்திய எபிசோடுகள் இளைஞர்கள் முதல் பெரியவர்கள் வரை அனைவரையும் கவர்ந்துள்ளதே இந்த திடீர் முன்னேற்றத்திற்கு காரணம் எனத் தெரிகிறது.
முக்கியமான சீரியலான ‘அன்னம்’ கடந்த வாரம் 6-வது இடத்தில் இருந்தது. ஆனால், இந்த வாரம் கதையில் ஏற்பட்ட அதிரடி திருப்பங்களால் ஒருபடி முன்னேறி 7.77 ரேட்டிங்குடன் 5-வது இடத்தைப் பிடித்துள்ளது. இதனால் டாப் 5 இடங்களுக்குள் கடும் போட்டி நிலவுகிறது.
தற்போதுள்ள சூழலில் மகா சங்கமங்கள் மற்றும் மெகா திருப்பங்கள் தான் டிஆர்பியை எகிற வைக்கின்றன. சன் டிவி தனது பழைய ஃபார்மை விடாமல் பிடித்துள்ள நிலையில், விஜய் டிவி மற்றும் ஜீ தமிழ் சேனல்கள் புதிய தொடர்களை களமிறக்க திட்டமிட்டுள்ளன. குறிப்பாக, அடுத்த வாரம் வரவிருக்கும் கிளைமேக்ஸ் காட்சிகள் மற்றும் திருமண எபிசோடுகள் இந்த பட்டியலில் மீண்டும் ஒரு புரட்சியை ஏற்படுத்தும் என எதிர்பார்க்கப்படுகிறது.
