Vijay TV serial actress jumped to Sun TV: சன் மற்றும் விஜய் டிவிகளுக்கு இடையே தான் ஒவ்வொரு வாரமும் டிஆர்பி-யில் கடும் மோதல் நிலவும். அப்படி இருக்கும்போது விஜய் டிவியில் பெஸ்ட் ஹீரோயின் ஆக பார்க்கப்படும் நடிகையை இப்போது சன் டிவி தட்டி தூக்கி இருக்கிறது. இந்த நடிகை விஜய் டிவியால் தான் அடையாளப்படுத்தப்பட்டார், இருந்தும் உண்ட வீட்டுக்கே துரோகம் செய்வது போல் இப்போது சன் டிவி பக்கம் தாவி இருக்கிறார்.
சின்னத்திரையில் மிகப் பிரபலமான நடிகையாக இருப்பவர் தான் கேப்ரில்லா. இவர் விஜய் டிவியில் ஜோடி என்று நடன நிகழ்ச்சியில் கலந்து கொண்டு டைட்டிலையும் தட்டி தூக்கினார். அது மட்டுமல்ல 7சி என்ற சீரியலிலும் நடித்தார். அதன் பின் பிக் பாஸ் சீசன் 4 நிகழ்ச்சியில் கலந்து கொண்டு 5 லட்சம் பணத்துடன் வெளியேறினார்.
பிக் பாஸ் நிகழ்ச்சிக்கு பிறகு BB ஜோடிகள் என்ற நடன நிகழ்ச்சிகளும் பங்கேற்றார். அதன் பின் இவர் ஈரமான ரோஜாவே 2 என்ற சீரியலில் செம போல்ட் ஆன கேரக்டரான காவியா என்ற கதாபாத்திரத்தில் நடித்து விஜய் டிவியின் பெஸ்ட் ஹீரோயின் ஆக பார்க்கப்பட்டார். இந்த சீரியல் கடந்த ஆண்டு தான் முடிந்த நிலையில், அதன் பின் விஜய் டிவியில் ஒளிபரப்பாகும் வேறு ஒரு சீரியலில் கமிட் ஆகுவார் என எதிர்பார்க்கப்பட்டது.
Also Read: விஜயா மூஞ்சில் கரியை பூசிய முத்து.. ரோகிணி போல் பொய் பித்தலாட்டம் பண்ணும் மனோஜ்
சன் டிவிக்கு தாவிய விஜய் டிவி சீரியல் நடிகை
ஆனால் கேப்ரில்லா விஜய் டிவியை தலைமுழுகிவிட்டு சன் டிவிக்கு தாவி இருக்கும் தகவல் தற்போது வெளியாகி இணையத்தில் வைரல் ஆகிறது. இவர் சன் டிவியில் ஒளிபரப்பாகும் புதிய சீரியலில் கதாநாயகியாக கமிட்டாகியிருக்கிறார். இந்த சீரியலை டிஆர்பியில் டஃப் கொடுக்கும் முன்னணி சீரியல்களான வானத்தைப்போல, ஆனந்த ராகம் போன்ற தொடர்களை தயாரித்து வரும் நிறுவனம் தான் தயாரிக்கிறது என்பதும் குறிப்பிடத்தக்கது.
இன்னும் இந்த சீரியலுக்கு டைட்டில் வைக்கவில்லை. ஆனால் சீரியலின் முதல் நாள் ஷூட்டிங் பூஜையுடன் துவங்கப்பட்டிருக்கிறது. இந்த சீரியலில் கதாநாயகனாக நந்தினி, கண்ணான கண்ணே தொடரில் ஹீரோவாக நடித்த ராகுல் ரவி தான் நடிக்கிறார். மேலும் இந்த சீரியல் தொடர்பான பூஜையில் ராகுல் ரவி, கேப்ரில்லா உடன் இன்னும் சீரியலில் நடிக்கும் பிற நடிகர்களும் கலந்து கொண்டனர்.
ஏற்கனவே சன் டிவியில் சமீபத்தில் துவங்கப்பட்ட சிங்கப்பெண்ணே சீரியல் தான் டிஆர்பி-யில் முதல் இடத்தை தொடர்ந்து தக்க வைத்து கொண்டிருக்கிறது. அதையே எப்படி சமாளிப்பது என தெரியாத விஜய் டிவிக்கு இப்போது கேப்ரில்லாவும் சன் டிவியின் புதிய சீரியலில் நடிக்க கமிட் ஆகி பெரிய ஆப்பை சொருகி விட்டார்.