சிவகார்த்திகேயனும் பழைய பட டைட்டிலும்.. அமரனை மிஞ்சுமா செய்யுமா பராசக்தி.?

Sivakarthikeyan: சிவகார்த்திகேயன், சுதா கொங்கரா இணைந்துள்ள படத்தின் டைட்டில் தற்போது வெளியாகி இருக்கிறது. ஏற்கனவே இது தெரிந்தது தான் என்றாலும் டைட்டிலோடு வெளியான டீசர் வரவேற்பை பெற்று வருகிறது.

ரவி மோகன், அதர்வா, ஸ்ரீ லீலா என பல நட்சத்திரங்கள் நடிக்கும் இப்படத்திற்கு பராசக்தி என பெயர் வைக்கப்பட்டிருக்கிறது. நடிகர் திலகம் சிவாஜி கணேசனின் முதல் படத்தின் பெயர் தான் இது.

அதனாலேயே இப்போது பெரும் எதிர்பார்ப்பு இருக்கிறது. இந்நிலையில் சிவகார்த்திகேயன் இதற்கு முன்பு கூட பழைய படங்களின் டைட்டிலில் நடித்திருக்கிறார்.

அமரனை மிஞ்சுமா செய்யுமா பராசக்தி.?

அந்த வரிசையில் இப்படமும் வெற்றியை சொந்தமாக்குமா என ரசிகர்கள் விவாதித்து வருகின்றனர். அதன்படி எதிர்நீச்சல், வேலைக்காரன், காக்கிச்சட்டை, மாவீரன், அமரன் என இந்தப் பட்டியல் நீண்டுள்ளது.

அதிலும் சமீபத்தில் வெளிவந்த அமரன் படம் சூப்பர் டூப்பர் ஹிட் அடித்தது. அந்த சாதனையை பராசக்தி மிஞ்சுமா என்பதை பொறுத்திருந்துதான் பார்க்க வேண்டும்.

இது ஒரு புறம் இருக்க இதே பட டைட்டிலை விஜய் ஆண்டனி தன்னுடைய 25வது படத்திற்கு வைத்துள்ளார். ஆனால் அதில் தான் ஒரு ட்விஸ்ட் இருக்கிறது.

அதாவது அந்த படத்தின் தமிழ் போஸ்டர் சக்தி திருமகன் என்றும் ஆங்கில போஸ்டர் பராஷக்தி என்றும் குறிப்பிடப்பட்டிருக்கிறது. இதுதான் இப்போது குழப்பத்தை ஏற்படுத்தி இருக்கிறது.

ஆனால் விஜய் ஆண்டனி இந்த பெயரை கடந்த வருடமே பதிவு செய்து விட்டதாக ஆதாரத்தை வெளியிட்டுள்ளார். ஆனால் இரண்டுக்கும் வித்தியாசம் இருப்பதை ரசிகர்கள் கண்டுபிடித்து கமெண்ட் கொடுத்து வருகின்றனர்.